വിവാദ യുട്യൂബർ തൊപ്പിയെ കൈവിട്ട് വീട്ടുകാരും നാട്ടുകാരും, തൊപ്പി തങ്ങൾക്ക് നാണക്കേടാണെന്ന് നാട്ടുകാരുടെ പ്രതികരണം

തന്റെ യുട്യൂബ് ചാനലിലൂടെ തൊപ്പി എന്ന പേരിൽ ഡിജിറ്റൽ ലോകത്ത് അറിയപ്പെട്ടിരുന്ന വ്യക്തി ആയിരുന്നു നിഹാദ് എന്ന ചെറുപ്പക്കാരൻ. കണ്ണൂർ സ്വദേശിയായ ഇയാൾക്ക് എതിരെ നിരവധി പരാതി ഉയർന്ന സാഹചര്യത്തിൽ കഴിഞ്ഞദിവസം പൊലീസ് ഇയാളെ കസ്റ്റഡിയിൽ എടുത്തിരുന്നു. എന്നാൽ നാട്ടുകാരും വീട്ടുകാരും തൊപ്പിയെ കൈയൊഴിഞ്ഞുവെന്ന വാർത്തയാണ് ഇപ്പോൾ പുറത്തുവരുന്നത്.

നാടുമായോ വീടുമായോ കാര്യമായ അടുപ്പമൊന്നും തൊപ്പിക്ക് ഉണ്ടായിരുന്നില്ല. തൊപ്പി തങ്ങൾക്ക് നാണക്കേടാണെന്ന് ആയിരുന്നു നാട്ടുകാരുടെ പ്രതികരണം. നിഹാദിന് ഒരു യൂട്യൂബ് ചാനലുള്ളതായി പറയുന്നത് കേട്ടിട്ടുണ്ടെന്നും. എന്നാല്‍ അതു വഴി നടത്തുന്ന പ്രവര്‍ത്തനങ്ങളെക്കുറിച്ച് അറിയില്ലെന്നുമാഅ വീട്ടുകാർ പറയുന്നത്.

നാട്ടിലെ ആരുമായും ബന്ധം കാത്തു സൂക്ഷിക്കുന്ന വ്യക്തിയല്ല നിഹാദ് എന്നും അവൻ തങ്ങളുടെ നാട്ടുകാരാനാണെന്ന് പറയുന്നത് തന്നെ നാണക്കേടാണെന്നും ആയിരുന്നു നാട്ടുകാരുടെ പ്രതികരണം. വളാഞ്ചേരിയിലെ ഒരു കട ഉദ്ഘാടന ചടങ്ങിനിടെ അശ്ലീല പദ പ്രയോഗം നടത്തിയ കേസിലാണ് തൊപ്പി എന്ന നിഹാദിനെ പൊലീസ് അറസ്റ്റ് ചെയ്തത്. കണ്ണൂരിലെ മാങ്ങാട് സ്വദേശിയായ തൊപ്പിയെ എറണാകുളത്തെ താമസ സ്ഥലത്ത് നിന്ന് കഴിഞ്ഞ ദിവസം വാതില്‍ തല്ലിപ്പൊളിച്ചായിരുന്നു അറസ്റ്റ് ചെയ്തത്. തൊപ്പിക്കെതിരെ കൂടുതല്‍ പരാതികള്‍ ഉയര്‍ന്ന സാഹചര്യത്തില്‍ യൂട്യൂബ് ചാനല്‍ ബ്ലോക്ക് ചെയ്യാനുള്ള നടപടികള്‍ പൊലീസ് എടുക്കുമെന്നാണ് റിപ്പോർട്ടുകൾ. അതേസമയം, കർശന നിയന്ത്രണങ്ങളിൽ വളർന്ന കുട്ടിക്കാലം അവനെ മോശമായി സ്വാധിനിച്ചിരിക്കാമെന്നും ചികിത്സ നൽകുകയാണ് വേണ്ടതെന്നും കുറ്റവാളിയാക്കരുതെന്നും അഭിപ്രായപ്പെട്ട് നിരവധിപ്പേരാണ് മുന്നോട്ട് വന്നിരിക്കുന്നത്.