വരുമാനത്തിൽ കോഹ്‌ലി ഒന്നാമൻ;പ്രഭാസിനെ തോൽപ്പിച്ച് ലാലേട്ടൻ ! ഫോർബ്‌സ് പട്ടിക പുറത്തിറങ്ങി

കഴിഞ്ഞ ഒരു വര്‍ഷത്തിനുള്ളില്‍ ഏറ്റവുമധികം പണം സമ്പാദിച്ച താരങ്ങളുടെ പട്ടിക ഫോർബ്സ് മാസിക ഇപ്പോൾ പുറത്തു വിട്ടിരിക്കുകയാണ്. ബോളിവുഡിലെ സൂപ്പർതാരങ്ങളെ മറികടന്ന് ഇതാദ്യമായി ഒരു കായികതാരം പട്ടികയിൽ ഇടം പിടിച്ചിരിക്കുകയാണ്. വിരാട് കോഹ്‍ലിയാണ് ഇന്ത്യയിൽ ഏറ്റവും കൂടുതൽ പണം സമ്പാദിച്ച താരം. കഴിഞ്ഞ എട്ടു വർഷങ്ങൾക്കിടയിൽ ഇതാദ്യമായാണ് ഒരു കായികതാരം സിനിമാ താരങ്ങളെ മറികടന്ന് ഒന്നാമതെത്തുന്നത്. 2018 ഒക്ടോബർ 31 മുതൽ 2019 സെപ്റ്റംബർ 30 വരെ കോഹ്‍ലിയുടെ സമ്പാദ്യം 252.72 കോടിയാണ്. മാച്ച് ഫീ, ബിസിസിഐ സെൻട്രൽ കോൺട്രാക്ട്, പരസ്യവരുമാനം, ഇൻസ്റ്റഗ്രാം പോസ്റ്റിൽ നിന്നുള്ള വരുമാനം എന്നിവ കണക്കാക്കിയാണ് ഈ തുകയിൽ എത്തിയിരിക്കുന്നത്.

രണ്ടാം സ്ഥാനത്ത് 293.25 കോടിയുമായി അക്ഷയ് കുമാർ ആണ്. വരുമാനത്തിൽ അക്ഷയ് കുമാർ ആണ് ഒന്നാമതെങ്കിലും സെലിബ്രിറ്റി റാങ്ക് തീരുമാനിക്കുന്നത് വരുമാനത്തിന്റെ കാര്യത്തിൽ മാത്രമല്ലെന്നും വരുമാനം കൂടുതലാണെങ്കിലും സമൂഹത്തിലെ പ്രശസ്തിയുടെ കാര്യം കൂടി പരിഗണിച്ചാകും റാങ്ക് തീരുമാനിക്കുക എന്നും ഫോർബ്സ് അധികൃതർ പറയുന്നു. 64.5 കോടിയുമായി മോഹൻലാ‍ൽ പ്രഭാസ്, കമൽഹാസൻ, ഷാഹിദ് കപൂർ, ആയുഷ്മാൻ ഖുറാന, രൺബീർ കപൂർ, വിജയ്, അജിത്ത്, മഹേഷ് ബാബു എന്നിവരെ തകർത്ത് മോഹൻലാ‍ൽ 27ാം സ്ഥാനം നേടി. 33.5 കോടിയുമായി മമ്മൂട്ടി 62ാം സ്ഥാനവും നേടി. 35 കോടിയുമായി പ്രഭാസ് 44ാമതും 30 കോടിയുമായി വിജയ് 47ാമതും കമൽഹാസൻ 34 കോടിയുമായി 56ാമതും 31.75 കോടിയുമായി ധനുഷ് 64ാമതുമെത്തി. 229.25 കോടിയുമായി സൽമാൻ ഖാൻ മൂന്നാംസ്ഥാനവും 239.25 കോടിയുമായി അമിതാഭ് ബച്ചൻ നാലാമതും 59.21 കോടിയുമായി ആലിയ ഭട്ട് എട്ടാമതും 48 കോടിയുമായി ദീപിക പത്താമതും ഇടംനേടി. 135.93 കോടിയുമായി ധോണി അഞ്ഞാമതും ഷാരൂഖ് ഖാൻ ആറാമതും രൺവീര്‍ സിങ് ഏഴാമതും ഇടംപിടിച്ചു.