“അങ്ങനെ ചിന്തിക്കാൻ പോലും കഴിയാത്തത് സംഭവിച്ചു” കോവിഡ് പോസിറ്റീവായി വീണ്ടും നെഗറ്റീവ് ആകുന്ന വരെയുള്ള വിശേഷങ്ങൾ പങ്കുവെച്ച് നടി ഗൗതമി നായർ

മലയാളികളുടെ ഇഷ്ട നടിയാണ് ഗൗതമി നായർ. കോവിഡ് ടെസ്റ്റ് പോസിറ്റീവ് ആയതിനെ പറ്റിയും ആരോഗ്യപ്രവർത്തകരുടെ കരുതലിനെ പറ്റിയും നമ്മൾ ശ്രദ്ധിക്കേണ്ട കാര്യങ്ങളെ പറ്റിയും ഇപ്പോൾ താരം ഇൻസ്റ്റഗ്രാമിൽ കുറിക്കുകയാണ്. തനിക്കും അനുജത്തിക്കും കൊറോണ വന്നു എന്നും എന്നാൽ വലിയ ലക്ഷണങ്ങൾ ഒന്നും ഉണ്ടായിരുന്നില്ല ചെറിയൊരു തലവേദന മാത്രമേ രണ്ടുപേർക്കും ഉണ്ടായിരുന്നുള്ളുവെന്നും താരം കുറിക്കുന്നു.

താരത്തിന്റെ കുറിപ്പ്:

അങ്ങനെ സങ്കല്‍പ്പിക്കാന്‍ പോലും കഴിയാത്തത് സംഭവിച്ചു.എനിക്ക് കോവിഡ് സ്ഥിരീകരിച്ചു.ഇപ്പോള്‍ നെഗറ്റീവ് ആയി,എന്റെ 21ദിവസങ്ങള്‍ പൂര്‍ത്തിയാക്കി.എന്റെ സഹോദരിയെയും കോവിഡ് ബാധിച്ചിരുന്നു.എനിക്ക് ആദ്യം പറയാനുള്ളത് ഹെല്‍ത്ത് സെന്ററുകളിലെ നഴ്‌സുമാരെയും സാമൂഹ്യ പ്രവര്‍ത്തകരെയും കുറിച്ചാണ്.ഞങ്ങളുടെ ലക്ഷണങ്ങളെ കുറിച്ച് അറിയാനും ആരോഗ്യത്തോടെ ഇരിക്കുന്നുവെന്ന് ഉറപ്പുവരുത്താനും അവര്‍ എന്നും വിളിച്ചുകൊണ്ടിരുന്നു

ഞങ്ങള്‍ക്ക് കഠിനമായ ലക്ഷണങ്ങളൊന്നും ഉണ്ടായിരുന്നില്ല.രണ്ട് പേര്‍ക്കും കടുത്ത തലവേദന ഉണ്ടായിരുന്നു, മൈഗ്രെയ്‌നൊക്കെ പോലെ.സഹപ്രവര്‍ത്തകക്ക് കോവിഡ് സ്ഥിരീകരിച്ചപ്പോള്‍ ആരോഗ്യപ്രവര്‍ത്തകര്‍ പ്രൈമറി കോണ്‍ടാക്റ്റ് പട്ടികയില്‍ എന്നെ ഉള്‍പ്പെടുത്തിയില്ലായിരുന്നെങ്കില്‍ എനിക്ക് വൈറസ് ബാധിച്ചിട്ടുണ്ടെന്ന് പോലും അറിയുമായിരുന്നില്ല.എങ്കില്‍ ഞാന്‍ കാരണം എത്ര പേരിലേക്ക് വൈറസ് ബാധയുണ്ടാകുമായിരുന്നുവെന്ന് ദൈവത്തിന് മാത്രമേ അറിയൂ.അതുകൊണ്ട് തന്നെ നിങ്ങള്‍ക്ക് എന്തെങ്കിലും ബുദ്ധിമുട്ട് അനുഭവപ്പെട്ടാല്‍ പരിശോധന നടത്തുക.നമ്മുടെയും മറ്റുള്ളവരുടെയും ജീവന്‍ അപകടത്തിലാക്കാതിരിക്കുക.