ഞാന്‍ രജ്പുത്താണ്, ദീപകയേയും, ആലിയയേയും പോലെ അരക്കെട്ട് ഇളക്കാറില്ല, മുന്‍ മന്ത്രി കങ്കണയെ ഐറ്റം ഡാന്‍സറെന്ന് വിളിച്ചു, മറുപടിയുമായി താരം

മുന്‍ കോണ്‍ഗ്രസ് മന്ത്രി സുഖ്‌ദേവ് പെന്‍സി ബോളിവുഡ് താരം കങ്കണ റണാവത്ത് വെറും ഐറ്റം ഡാന്‍സറാണെന്ന് പറഞ്ഞ് ആക്ഷേപിച്ചതിന് കിടിലൻ മറുപടി കൊടുത്ത് നടി. ഐറ്റം ഡാന്‍സ് കളിക്കാന്‍ താന്‍ ദീപികയോ, ആലിയയോ അല്ല എന്നായിരുന്നു കങ്കണയുടെ മറുപടി. തന്റെ ട്വിറ്ററിലൂടെയാണ് താരം പ്രതികരിച്ചത്.ബോളിവുഡില്‍ ഐറ്റം ഡാന്‍സ് കളിക്കാന്‍ വിസമ്മതിച്ച നടിയാണ് താന്‍. ഖാന്‍, കുമാര്‍ എന്നീ വമ്ബന്‍ ഹീറോകള്‍ക്കൊപ്പം സിനിമ ചെയ്യാന്‍ വിസമ്മതിച്ച നടി. അതിനാല്‍ തന്നെ സിനിമയിലെ പുരുഷന്‍മാര്‍ക്കും സ്ത്രീകള്‍ക്കും എന്നോട് വെറുപ്പാണെന്നും കങ്കണ ട്വീറ്റില്‍ പറയുന്നു.

‘ഈ വിഡ്ഡി ആരായാലും ശരി ഞാന്‍ ദീപികയോ കത്രീനയോ ആലിയയോ അല്ലെന്ന് അയാള്‍ക്ക് അറിയുമോ? ഐറ്റം ഡാന്‍സ് ചെയ്യാന്‍ വിസമ്മതിച്ച ഒരേ ഒരു നടിയാണ് ഞാന്‍, അതുപോലെ ഖാന്‍മാരുടെയും കുമാറിന്റെയും ബിഗ് ഹീറോ സിനിമ ചെയ്യാന്‍ വിസമ്മതിച്ച നടിയാണ്. അതോടെയാണ് ബുള്ളിവുഡ് ഗ്യാങ്ങിലെ പുരുഷന്മാരും സ്ത്രീകളും എനിക്ക് എതിരായത്. ഞാനൊരു രജ്പുത് സ്ത്രീയാണ്. ഞാന്‍ എന്റെ അരക്കെട്ട് ഇളക്കില്ല,ഞാന്‍ എല്ലൊടിക്കും’. കര്‍ഷക സമരത്തെ കങ്കണ വിമര്‍ശിച്ചതിനെ തുടര്‍ന്നായിരുന്നു പന്‌സെയുടെ പ്രതികരണം. കങ്കണയെ പോലെ ഐറ്റം ഡാന്‍സുകാരിയായ ഒരു സ്ത്രീക്ക് പ്രതിഷേധിക്കുന്നവരുടെ ആത്മാഭിമാനം എന്താണെന്ന് അറിയില്ല എന്നാണ് അദ്ദേഹം ട്വീറ്റ് ചെയ്തത്.

പെന്‍സയുടെ ട്വീറ്റ് വൈറലായതോടെയാണ് കങ്കണ മറുപടിയുമായി രംഗത്തെത്തിയത്.കര്‍ഷക സമരത്തിന്റെ ആരംഭം മുതലെ കങ്കണ കേന്ദ്ര സര്‍ക്കാരിനെ പിന്തുണച്ചാണ് രംഗത്തെത്തിയത്. സമാധനപരമായി സമരം ചെയ്യുന്ന കര്‍ഷകരെ കങ്കണ തീവ്രവാദികളെന്നാണ് വിളിച്ചത്. ഇതേ തുടര്‍ന്ന് നിരവധി വിമര്‍ശനങ്ങളും താരം ഏറ്റുവാങ്ങിയിരുന്നു. തനിക്ക് ഇതേ തുടര്‍ന്ന് പല ബ്രാന്റുകളുടെ അമ്ബാസിഡര്‍ പതവി നഷ്ടമായെന്നും കങ്കണ ട്വീറ്റ് ചെയ്തിരുന്നു. എങ്കിലും കേന്ദ്ര സര്‍ക്കാരിനെ പിന്തുണച്ചും, കര്‍ഷകര്‍ക്കെതിരെ വിദ്വേഷം പരത്തുന്നതുമായി നിരവധി ട്വീറ്റുകളാണ് കങ്കണ ഈ കാലയളവില്‍ ചെയ്തത്.