മലയാളത്തിലെ പ്രമുഖ നടി ഊര്‍മിള ഉണ്ണിയുടെ മകളും അതെ പോലെ തന്നെ നടിയും വളരെ മികച്ച നര്‍ത്തികയുമായ ഉത്തര ഉണ്ണി ഈ അടുത്ത സമയത്താണ് വിവാഹിതയായത്. ബാംഗ്ലൂരുവിലെ ഐടി മേഖലയില്‍ ജോലി ചെയ്യുന്ന നിതേഷ് ആണ് വരന്‍. സോഷ്യല്‍ മീഡിയയില്‍ ഉത്തരയുടെ വിവാഹ ചിത്രങ്ങള്‍ എല്ലാം തന്നെ വൈറലായി മാറിയിരുന്നു. ഇപ്പോഴിതാ താരത്തിന്റെ വിവാഹവസ്ത്രങ്ങളും വിവാഹത്തിന് അണിഞ്ഞ സ്പെഷല്‍ ആഭരണങ്ങളും ആരാധകര്‍ക്കായി പരിചയപ്പെടുത്തുകയാണ് ഉത്തര.’ആമാടക്കൂട്ടം മാല, നാഗ വംഗി (സര്‍പ്പ വംഗി), നാഗത്തളകള്‍ ,നാഗപ്പടം എന്നിവയായിരുന്നു ഉത്തര വിവാഹത്തിന് അണിഞ്ഞ ആഭരണങ്ങളില്‍ ഏറെ ശ്രദ്ധ കവര്‍ന്നത്.
View this post on Instagram
താരത്തിന്റെ മുത്തശ്ശി വിവാഹത്തിന് അണിഞ്ഞ ആമാടക്കൂട്ടം മാല തലമുറകള്‍ കൈമാറി തന്നിലേക്ക് എത്തിയതാണെന്നാണ് ഉത്തര പറയുന്നത്. നാഗ വംഗിയും നാഗത്തളയും തന്റെ ഭര്‍ത്താവിന്റെ അമ്മയുടെ സമ്മാനമായിരുന്നുവെന്നും ഉത്തര പറയുന്നു’.’വവ്വാല്‍ പശങ്ക’ എന്ന തമിഴ് ചിത്രത്തിലൂടെയാണ് ഉത്തര സിനിമയില്‍ അരങ്ങേറ്റം കുറിച്ചത്. ലെനിന്‍ രാജേന്ദ്രന്‍ ചിത്രം ‘ഇടവപ്പാതി’ ആയിരുന്നു ഉത്തരയുടെ ആദ്യമലയാള ചിത്രം. നിരവധി പരസ്യ ചിത്രങ്ങളിലും ഉത്തര അഭിനയിച്ചിട്ടുണ്ട്.
