ഫഹദ് ഫാസിലും അനുശ്രീയും സുപ്രധാന വേഷത്തിലഭിനയിച്ച ‘മഹേഷിന്റെ പ്രതികാരം’ എന്ന് ചിത്രത്തിലൂടെ മലയാള സിനിമയില്‍ വളരെ ശ്രദ്ധേയയായ താരമാണ് അപർണ ബാലമുരളി.വളരെ കരുത്തുറ്റ കഥാപാത്രങ്ങളിലൂടെ തിളങ്ങിയ താരം.തമിഴ് സൂപ്പർ താരം സൂര്യ നായകനായയെത്തിയ സൂരറൈ പോട്രിന് ശേഷം കിടിലൻ നായികാ കഥാപാത്രവുമായി അപര്‍ണ ബാലമുരളിയെത്തുന്ന ‘ഉല’ സിനിമയുടെ ഫസ്റ്റ്ലുക്ക് പോസ്റ്റര് നടന്‍ പൃഥ്വിരാജ് പുറത്തിറക്കി.
യുവ നടൻ ടൊവിനോ തോമസിനെ നായകനാക്കി ‘കല്‍ക്കി’ എന്ന സിനിമയൊരുക്കിയ പ്രവീണ്‍ പ്രഭാറാം സംവിധാനം ചെയ്യുന്ന സിനിമയില്‍ കേന്ദ്ര കഥാപാത്രമായാണ് അപര്‍ണ എത്തുന്നത്. മലയാളത്തിലും തമിഴിലുമായി ഒരുക്കുന്ന ഉലയിലെ മറ്റ് അഭിനേതാക്കളുടെ വിവരങ്ങള്‍ അണിയറ പ്രവര്‍ത്തകര്‍ ഉടന്‍ പുറത്തുവിടും.കല്‍ക്കി ടീം വീണ്ടും ഒന്നിക്കുന്ന സിനിമയാണ് ഉല. പ്രവീണ്‍ പ്രഭാറാം സംവിധാനം ചെയ്യുന്ന ഉല, സിക്സ്റ്റീന്‍ ഫ്രെയിംസിന്റെ ബാനറില്‍ ജിഷ്ണു ലക്ഷ്മണ്‍ ആണ് നിര്‍മിക്കുന്നത്.
തമിഴിലും മലയാളത്തിലും ഒരേ പോലെ ഒരുങ്ങുന്ന ഈ ചിത്രം മേയ് അവസാന വാരത്തില്‍ ഷൂട്ടിങ് ആരംഭിക്കും. പ്രവീണ്‍ പ്രഭാറാമിനൊപ്പം സുജിന്‍ സുജാതനും ചേര്‍ന്നാണ് സിനിമയുടെ തിരക്കഥയൊരുക്കുന്നത്. ഓപ്പറേഷന്‍ ജാവയ്ക്ക് ശേഷം ഫായിസ് സിദ്ദിഖ് ഛായാഗ്രഹണം നിര്‍വഹിക്കുന്ന ചിത്രം കൂടിയാണ് ഇത്.വളരെ വ്യത്യസ്ത രീതിയിലാണ് ചിത്രത്തിന്റെ പോസ്റ്റര് ഒരുക്കിയിരിക്കുന്നത്. അപര്‍ണയുടെ മുഖത്തിന്റെ ഒരു വശം കണ്ണുനീര്‍ തുള്ളികള്‍ ഒഴുകി ദുഃഖപൂര്‍ണ്ണവും മറുവശം ചിത്രശലഭങ്ങളും പൂവിതളുകള്‍ നിറഞ്ഞ് പ്രകാശഭരിതവുമാണ് പോസ്‌റ്ററില്‍.
