ഇത് മോഹനവല്ലി ഒറിജിനൽ !! ഭാര്യയുടെയും തന്റെയും പഴയ ചിത്രം പങ്കുവെച്ച് തട്ടീം മുട്ടീം താരം ജയകുമാർ

മലയാളി പ്രേക്ഷകരുടെ ഇഷ്ട പരമ്പരയാണ് തട്ടീം മുട്ടീം. അർജ്ജുനന്റേയും മോഹനവല്ലിയുടെയും കഥ പറയുന്ന ഈ പരമ്പരയിൽ ഇരുവരുടെയും മക്കളായി എത്തുന്നത് മീനാക്ഷിയും കണ്ണനും ആണ്. ഈ പരിപാടിയിലെ താരങ്ങളെല്ലാം മലയാളികൾ ഇതിനോടകം നെഞ്ചിലേറ്റി കഴിഞ്ഞു. ടെലിവിഷൻ പരമ്പരകൾക്ക് പുറമേ ബിഗ് സ്ക്രീനിലും മിനി സ്ക്രീനിലും തന്റെ അഭിനയ മികവ് തെളിയിച്ച ജയകുമാർ എന്ന നടനാണ് അർജുനന്റെ വേഷം കൈകാര്യം ചെയ്യുന്നത്. അഭിനയത്തിന് പുറമെ കാർട്ടുണിസ്റ്റായും ജയകുമാർ ശോഭിച്ചിട്ടുണ്ട്. കാർട്ടൂണിസ്റ്റ് യേശുദാസൻ ഇറക്കിയിരുന്ന അസാധു,ജനയുഗം തുടങ്ങിയ മാസികകളിൽ ധാരാളം കാർട്ടൂണുകൾ ജയകുമാർ വരച്ചിട്ടുണ്ട്.

അധ്യാപകനായ ജീവിതമാരംഭിച്ച പിന്നീട് സർവ്വേ ഡിപ്പാർട്ട്മെന്റ് ഡെപ്യൂട്ടി ഡയറക്ടർ ആയി വിരമിച്ച അദ്ദേഹം അതിനുശേഷമാണ് അഭിനയത്തിലേക്ക് കടക്കുന്നത്. ഇപ്പോൾ ഇൻസ്റ്റഗ്രാം പേജിലൂടെ അദ്ദേഹം തന്റെ ശരിക്കുമുള്ള മോഹന വല്ലിയുടെ ചിത്രം ആരാധകർക്കായി പങ്കുവയ്ക്കുകയാണ്. ഒരു ചലഞ്ചുമല്ല എന്ന അടിക്കുറിപ്പോടെ തന്റെ യുവത്വം തുളുമ്പുന്ന ചിത്രം അർജുനൻ പങ്കുവയ്ക്കുന്നു. ഫുൾസ്ലീവ് ഷർട്ടും ഹിപ്പി മുടിയും ആയിട്ടുള്ള താരത്തിന്റെ ചിത്രം ഇതിനോടകം ആരാധകർ ഏറ്റെടുത്തു. ജയറാം നായകനായ ഞങ്ങൾ സന്തുഷ്ടരാണ് എന്ന ചിത്രത്തിലൂടെയാണ് അർജുനൻ സിനിമാലോകത്തേക്ക് കടക്കുന്നത്.