എന്നെ എനിക്ക് കാണിച്ചു തന്ന നിനക്ക്..! ‘കണ്ണീരോടെ’ പ്രിയതമക്ക് വിവാഹവാർഷിക ആശംസയേകി ജയസൂര്യ..!

ഒരു മിമിക്രി ആർട്ടിസ്റ്റായി കരിയർ തുടങ്ങി പിന്നീട് അവതാരകനായും അഭിനേതാവായും തീർന്ന് ഇന്ന് മലയാള സിനിമ ലോകത്ത് തന്റേതായ ഒരു സ്ഥാനം പടുത്തുയർത്തിയ താരമാണ് ജയസൂര്യ. പത്രം എന്ന ചിത്രത്തിലൂടെയാണ് ജയസൂര്യ അഭിനയരംഗത്തേക്ക് കടന്ന് വന്നത്. ഊമപ്പെണ്ണിന് ഉരിയാടാപ്പയ്യൻ എന്ന ചിത്രമാണ് താരത്തിന് ബ്രേക്ക് കൊടുത്തത്. കോവിഡ് പ്രതിസന്ധിക്ക് ശേഷം തീയറ്ററുകളിലെത്തിയ ആദ്യചിത്രവും ജയസൂര്യയുടെ വെള്ളമാണ്. ജി പ്രജേഷ് സെൻ സംവിധാനം നിർവഹിച്ച ചിത്രം മികച്ച അഭിപ്രായങ്ങൾ നേടി പ്രദർശനം തുടരുകയാണ്.

അതിനിടയിൽ തന്റെ പ്രിയതമക്ക് രസകരമായ രീതിയിൽ വിവാഹവാർഷിക ആശംസകൾ നേർന്നിരിക്കുകയാണ് താരം. എന്നെ എനിക്ക് കാണിച്ചു തന്ന നിനക്ക് ഹാപ്പി വെഡിങ്ങ് ആനിവേഴ്സറി എന്ന് കുറിച്ച താരം ഭാര്യ സരിതക്കൊപ്പമുള്ള രണ്ടു ഫോട്ടോസും പങ്ക് വെച്ചിട്ടുണ്ട്. ചിരിച്ചു കൊണ്ടും ‘കരഞ്ഞു’ കൊണ്ടുമുള്ള ചിത്രങ്ങളാണ് താരം പങ്ക് വെച്ചത്. ദീർഘനാളത്തെ പ്രണയത്തിന് ശേഷമാണ് 2004 ജനുവരി 25ന് ജയസൂര്യ സരിതയെ തന്റെ ജീവിതത്തിലേക്ക് കൈ പിടിച്ചു കയറ്റിയത്. അദ്വൈത്, വേദ എന്നിങ്ങനെ രണ്ടു മക്കളും ഇരുവർക്കുമുണ്ട്.