കുടുംബ പശ്ചാത്തലത്തിൽ കലയ്ക്ക് വളരെ വലിയ പ്രാധാന്യമില്ലാതിരുന്നു അത് കൊണ്ട് തന്നെ നീണ്ട ഇരുപത് വര്‍ഷങ്ങള്‍ ഈ മേഖലയില്‍ വളരെ കഠിനമായ പരിശ്രമങ്ങൾ നടത്തേണ്ടി വന്നുവെന്നും ജോജി സിനിമയില്‍ ജെയ്സണ്‍ ആയി അഭിനയിച്ച യഥാര്‍ത്ഥ ജോജി വ്യക്തമാക്കി. ജോജി എന്ന സിനിമ ഈ കാലഘട്ടത്തിന്റെ കൂടി ആവശ്യകതയായിട്ടാണ് കാണപ്പെടേണ്ടതെന്നും, ജീവിതത്തില്‍ വഴിത്തിരിവുകള്‍ തേടുന്ന അനേകം ജോജിമാരുടെ പ്രതീകം കൂടിയാണ് ഫഹദ് അവതരിപ്പിച്ച ജോജിഎന്നും അദ്ദേഹം ഒരു പ്രമുഖ മാധ്യമത്തിന് നല്‍കിയ അഭിമുഖത്തില്‍ പറയുന്നു.
ഇരുപത് വര്‍ഷങ്ങള്‍ ഈ അഭിനയമേഖലയില്‍ കഠിന പരിശ്രമം നടത്തേണ്ടി വന്നു. ജോജി സിനിമയുടെ ഭാഗമാകുമെന്ന് സ്വപ്നത്തില്‍ പോലും വിചാരിച്ചിരുന്നില്ല. പ്രത്യേകിച്ച്‌ അഭിനയം എന്നത് ചിന്തയിലോ സ്വപ്നത്തിലോ ഉണ്ടായിരുന്ന കാര്യമല്ലായിരുന്നു’. ജോജി പറയുന്നു.’ജോജി എന്ന കഥാപാത്രം യഥാര്‍ഥ ജോജിയുടെ ജീവിതവുമായി വളരെയധികം ബന്ധപ്പെട്ടു കിടക്കുന്നുണ്ട്. എന്റെ ജീവിതത്തിലെ വലിയ വഴിത്തിരിവാണ് ഈ സിനിമ. മലയോരത്തു നിന്ന് സിനിമ എന്ന വിദൂര സ്വപ്നത്തിലേക്ക് ചുവടുകള്‍ ഏറെ താണ്ടേണ്ടതുണ്ട്. വിജയം സുനിശ്ചിതമെന്നു പറയാനും കഴിയാത്ത അവസ്ഥ’. എന്നാല്‍ ഒരിക്കല്‍ ജീവിതം മാറിമറിയും എന്ന് സ്വപ്നം കണ്ടിരുന്നുവെന്നും താരം വ്യക്തമാക്കി.
ഈ കാലഘട്ടത്തിന്റെ ആവശ്യകതയായിട്ടു വേണം ജോജി എന്ന സിനിമ കാണപ്പെടേണ്ടത്. ‘അച്ഛൻ ആഗ്രഹിക്കുന്ന രീതിയിലുള്ള മകനാകാന്‍ എനിക്കു കഴിഞ്ഞില്ല, ഞാന്‍ ആഗ്രഹിക്കുന്ന രീതിയില്‍ ആകാന്‍ പോലും എനിക്കു കഴിയുന്നില്ല’ എന്നു ജോജിയുടെ കഥാപാത്രം പറയുന്നുണ്ട്. വീടും അതെ പോലെ തന്നെ കുടുംബവുംമായി യാതൊരു രീതിയിലും ബന്ധവുമില്ലാത്ത മേഖലയെ സ്വപ്നം കാണുന്ന ആളാണ് ജോജി.അപ്പന്‍ ചിന്തിക്കുന്നത് താന്‍ ആഗ്രഹിക്കുന്ന രീതിയില്‍ മകന്‍ വരണമെന്നാണ്. ആ സമയത്ത് ഒന്നുമാകാതെ പോകുന്ന ജോജി. ഫഹദ് അവതരിപ്പിച്ച ജോജി എന്ന കഥാപാത്രം ജീവിതത്തില്‍ വഴിത്തിരിവുകള്‍ തേടുന്ന അനേകം ജോജിമാരുടെ പ്രതീകം കൂടിയാണ്
