പല തരത്തിലുള്ള സിനിമാപ്രമോഷനുകളും നമ്മൾ കണ്ടിട്ടുണ്ട്. എന്നാൽ, പൃഥ്വിരാജ് നായകനായി എത്തുന്ന ‘കടുവ’ എന്ന സിനിമയുടെ പ്രമോഷൻ അൽപം വ്യത്യസ്തമാണ്. അൽപം ‘കുട്ടിത്തം’ നിറഞ്ഞതാണെന്ന് പറഞ്ഞാലും അതിശയോക്തിയില്ല. കാരണം, ‘കുട്ടി കടുവ’കൾക്കു വേണ്ടി നെയിം സ്ലിപ്പുമായാണ് കടുവയുടെ അണിയറപ്രവർത്തകർ എത്തിയിരിക്കുന്നത്. ‘എല്ലാ കുട്ടി കടുവകൾക്കും വേണ്ടി’ എന്ന അടിക്കുറിപ്പോടെയാണ് പൃഥ്വിരാജ് നെയിം സ്ലിപ്പ് പങ്കുവെച്ചത്. ഏതായാലും ഈ പ്രമോഷൻ കുറച്ച് നൊസ്റ്റാൾജിക് ആണെന്ന് തുറന്നു പറഞ്ഞിരിക്കുകയാണ് ആരാധകർ. ഇതിനിടയിൽ, നെയിം സ്ലിപ്പ് ഒക്കെ ഇപ്പോഴും ഉണ്ടോ എന്ന് അന്വേഷിക്കുന്നരും ഉണ്ട്.
പൃഥ്വിരാജ് നായകനായി എത്തുന്ന ചിത്രം ‘കടുവ’ ജൂൺ 30ന് ലോകമെമ്പാടുമുള്ള തിയറ്ററുകളിൽ റിലീസ് ചെയ്യും. ചിത്രം റിലീസ് ചെയ്യുന്നതിനു മുന്നോടിയായി വമ്പൻ പ്രമോഷനാണ് ചിത്രത്തിനു വേണ്ടി അണിയറപ്രവർത്തകർ ഒരുക്കുന്നത്. ജൂൺ 24ന് ബംഗളൂരുവിലാണ് ചിത്രത്തിന്റെ പ്രമോഷൻ പരിപാടികൾ. തുടർന്ന് ജൂൺ 25ന് ഹൈദരാബാദിലും ജൂൺ 27ന് ചെന്നൈയിലും പ്രമോഷനുമായി അണിയറപ്രവർത്തകർ എത്തും. ജൂൺ 28നാണ് കൊച്ചിയിൽ പ്രമോഷൻ പരിപാടികൾ സംഘടിപ്പിച്ചിരിക്കുന്നത്. രാജ്യത്തെ നാല് പ്രമുഖ നഗരങ്ങളിലായി നാല് വമ്പൻ പരിപാടികളാണ് ചിത്രത്തിന്റെ പ്രമോഷനായി അണിയറപ്രവർത്തകർ ഒരുക്കിയിരിക്കുന്നത്.
ഇതിനിടെ, ഷാജി കൈലാസ് സംവിധാനം ചെയ്യുന്ന ചിത്രം ‘കടുവ’യ്ക്ക് എതിരെ പരാതി. ‘കടുവ’യുടെ കഥ മോഷണമാണെന്ന് ആരോപിച്ചുള്ള ഹർജി ഹൈക്കോടതി ഫയലിൽ സ്വീകരിച്ചു. ഹർജിയുമായി ബന്ധപ്പെട്ട് കഥാകൃത്ത് ജിനു വർഗീസ് എബ്രഹാമിനും നിർമാതാവ് സുപ്രിയ മേനോൻ തുടങ്ങിയവർക്ക് കോടതി നോട്ടീസ് അയച്ചു. തമിഴ്നാട് സ്വദേശി മഹേഷ് എം ആണ് തന്റെ കഥ മോഷ്ടിച്ചാണ് ചിത്രം നിർമിച്ചതെന്ന് പരാതി നൽകിയത്. ജസ്റ്റിസ് സി എസ് ഡയസ് ആണ് ഹർജിയിൽ നടപടി സ്വീകരിച്ചത്.
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…
ജനപ്രിയ നായകൻ ദിലീപ് നായകനായി എത്തുന്ന പുതിയ ചിത്രം 'പവി കെയർ ടേക്കർ' ട്രയിലർ റിലീസ് ചെയ്തു. ഹാസ്യവും അതിനൊപ്പം…
സൂപ്പർ ഹിറ്റ് ആയിരുന്ന രാമലീല എന്ന ചിത്രത്തിന് ശേഷം ദിലീപിന് ഒപ്പം വീണ്ടും നടി രാധിക ശരത് കുമാർ. വിനീത്…