കാളിയൻ അവതരിക്കാൻ ഇനി കുറച്ച് നാളുകൾ മാത്രം ! ചിത്രത്തിന്റെ ഷൂട്ടിംഗ് ഒക്ടോബറിൽ ആരംഭിക്കും

2018 ൽ പ്രഖ്യാപനം നടത്തിയ മലയാളം ഇൻഡസ്ട്രിയൽ സംഭവിക്കാൻ പോകുന്ന മറ്റൊരു ബ്രഹ്മാണ്ഡ ചിത്രമാണ് പൃഥ്വിരാജിന്റെ കാളിയൻ. കാളിയൻ എന്ന കഥാപാത്രമായി മോഷൻ പോസ്റ്റർ പ്രത്യക്ഷപ്പെട്ട പൃഥ്വിരാജിന്റെ വോയിസ് നരേഷാനും വലിയ ജനശ്രദ്ധ പിടിച്ചുപറ്റിയിരുന്നു. കാളിയന്റെ ചിത്രീകരണത്തിനായി ഇനിയും വർഷങ്ങൾ പിടിക്കും എന്ന് പ്രഖ്യാപന വേളയിൽ തന്നെ പൃഥ്വിരാജ് വ്യക്തമാക്കിയതാണ്. ചിത്രത്തിന്റെ ലൊക്കേഷൻ തീരുമാനിക്കുന്നതിനായി നിർമാതാവും സംവിധായകനും ശ്രീലങ്കയിൽ നടത്തിയ യാത്രകളും ഏറെ ശ്രദ്ധ പിടിച്ചു പറ്റിയിരുന്നു. പ്രേക്ഷകർ വലിയ പ്രതീക്ഷയോടെയാണ് കാളിയനെ കാത്തിരിക്കുന്നത്. കാളിയന്റെ ചിത്രീകരണം ഈ ഒക്ടോബറിൽ ആരംഭിക്കും എന്നാണ് ഇപ്പോൾ ലഭിക്കുന്ന റിപ്പോർട്ടുകൾ.

ചിത്രത്തിന്റെ പ്രീ പ്രൊഡക്ഷൻ വർക്കുകൾ എറണാകുളത്ത് പുരോഗമിച്ചുകൊണ്ടിരിക്കുകയാണ്.ചിത്രത്തെ പറ്റിയുള്ള അവസാനവട്ട ചർച്ചകൾ പൃഥ്വിരാജും നിർമാതാവും സംവിധായകനും അണിയറ പ്രവർത്തകരും ചേർന്ന് നടത്തിയെന്നും റിപ്പോർട്ടുകൾ വ്യക്തമാക്കുന്നു. ചിത്രത്തിലേക്കുള്ള കാസ്റ്റിംഗ് കോൾ ഉടൻ തന്നെ ഉണ്ടാകുമെന്നും അണിയറപ്രവർത്തകർ അറിയിച്ചിട്ടുണ്ട്. മാജിക് മോൻ പ്രൊഡക്ഷൻസാണ് ചിത്രം നിർമ്മിക്കുന്നത്. നവാഗതനായ എസ് മഹേഷ് സംവിധാനം ചെയ്യുന്ന ചിത്രത്തിന് തിരക്കഥ രചിക്കുന്നത് ബി ടി അനിൽകുമാർ ആണ്. നിലവിൽ ആടുജീവിതം എന്ന ചിത്രത്തിനുവേണ്ടി ശരീര ഭാരം കുറയ്ക്കുവാൻ മൂന്ന് മാസത്തേക്ക് സിനിമയിൽ നിന്നും ബ്രേക്ക് എടുത്തിരിക്കുകയാണ് പൃഥ്വിരാജ്. ആ ചിത്രത്തിന് വേണ്ടി എഴുമാസം ചിലവഴിച്ചതിനു ശേഷമായിരിക്കും കാളിയന്റെ ചിത്രീകരണത്തിലേക്ക് കടക്കുക.