‘ഡ്രങ്ക് ഇൻ എ ഷാപ്പ്’ ഗാനത്തിനൊത്ത് ചുവട് വെച്ച് ബിന്ദു പണിക്കരുടെ മകൾ കല്യാണി;വീഡിയോ

നടി ബിന്ദു പണിക്കരുടെ മകളായ അരുന്ധതി ടിക്ടോകിലൂടെ ഏറെ ശ്രദ്ധനേടിയ താരപുത്രി ആണ്. താരം പങ്കുവയ്ക്കുന്ന വീഡിയോകളും ചിത്രങ്ങളും എല്ലാം നിമിഷനേരംകൊണ്ട് സോഷ്യൽ മീഡിയയിൽ വൈറലാകാറ്. വീഡിയോകൾ പലതും വയറലായതിനുശേഷമാണ് അരുന്ധതി ബിന്ദു പണിക്കരുടെ മകളാണെന്ന് മലയാളികൾ അറിഞ്ഞത്. ബിന്ദു പണിക്കരുടെ ആദ്യവിവാഹത്തിലെ മകളാണ് അരുന്ധതി എന്ന കല്യാണി. ഒരുപാട് വിവാദങ്ങൾക്ക് ശേഷം വിവാഹം കഴിച്ച താരദമ്പതികൾ ആണ് സായികുമാറും ബിന്ദു പണിക്കരും. ഇരുവരുടേയും രണ്ടാം വിവാഹമായിരുന്നു. മകൾ കൈക്കുഞ്ഞായിരിക്കെ 2003 ൽ ആണ് ബിന്ദു പണിക്കരുടെ ഭർത്താവ് മരണമടയുന്നത്. ടിക്ടോക്കിൽ ഏറെ സജീവമായിരുന്ന വ്യക്തിയായിരുന്നു ബിന്ദു പണിക്കരുടെ മകളായ കല്യാണി. ബിന്ദു പണിക്കർ ചെയ്ത കോമഡി രംഗങ്ങൾ ആയിരുന്നു കല്യാണി കൂടുതലായും ചെയ്യാറുണ്ടായിരുന്നത്.

ടിക്ടോക് ഇപ്പോൾ ലഭ്യമല്ലെങ്കിലും അരുന്ധതി ഇൻസ്റ്റഗ്രാമിൽ സജീവമാണ്. നൃത്തത്തെ വളരെയധികം സ്നേഹിക്കുന്ന താരം നൃത്തം ഒരു പ്രൊഫഷൻ ആയി സ്വീകരിക്കാൻ ആഗ്രഹിക്കുന്നു എന്ന് പണ്ട് പറഞ്ഞിരുന്നു. കോളേജ് ഡേ പ്രോഗ്രാമിൽ നടി മഞ്ജു വാരിയർ അതിഥിയായി എത്തിയപ്പോൾ മഞ്ജുവിനൊപ്പം അരുന്ധതി നൃത്തം ചെയുന്ന വീഡിയോ സമൂഹ മാധ്യമങ്ങളിൽ വൈറലായിരുന്നു. കൂട്ടുകാരിയുമൊത്ത് അരുന്ധതി ചെയ്ത ഒരു ഡാൻസ് വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ഒരുപാട് അഭിനന്ദനങ്ങൾ ആണ് അരുന്ധതിക്ക് ഈ ഡാൻസിന്റെ പേര് ലഭിക്കുന്നത്.