കണ്ണ് നിറഞ്ഞ് കോർപ്പറേഷൻ തൂപ്പുകാരൻ..! കനിഹയുടെ പ്രവൃത്തിക്ക് കൈയ്യടിച്ച് ലോകം

ഒരു പുഞ്ചിരിയോ ഒരു നോട്ടമോ മതി പല ജീവിതങ്ങളും മാറിമറിയുവാൻ. ഹെലൻ എന്ന സിനിമയും പുഞ്ചിരിക്കൂ പരസ്പരം എന്ന ഷോർട്ട് ഫിലിം എല്ലാം ഇത് പ്രേക്ഷകർക്ക് മുൻപിൽ തുറന്ന് കാണിച്ചതാണ്. അത്തരത്തിൽ ജീവിതത്തിൽ നടന്ന ഒരു സംഭവം പങ്ക് വെച്ചിരിക്കുകയാണ് നടി കനിഹ. കഴിഞ്ഞ രണ്ടു വർഷത്തോളമായി തന്റെ വീടിന്റെ പരിസരത്തും മറ്റും വൃത്തിയാക്കുന്ന കോർപറേഷൻ തൂപ്പുകാരനൊപ്പമുള്ള ചിത്രമാണ് നടി സോഷ്യൽ മീഡിയയിൽ പങ്ക് വെച്ചത്.

ഒരു കുറിപ്പും കനിഹ പങ്കു വെച്ചിട്ടുണ്ട്. കഴിഞ്ഞ രണ്ടു വർഷമായി താൻ ജീവിക്കുന്ന സ്ഥലത്തു തൂപ്പുകാരനായി ജോലി ചെയ്യുകയാണ് എന്ന് കനിഹ പറയുന്നു. എന്നാൽ ഇന്ന് രാവിലെ താൻ നടക്കാൻ ഇറങ്ങിയപ്പോൾ രാമുവിനെ കണ്ടു ചിരിച്ചു കൊണ്ട് ശുഭദിനം ആശംസിച്ചപ്പോൾ രാമു സന്തോഷം കൊണ്ട് കരഞ്ഞുവെന്നും കനിഹ കുറിക്കുന്നു. താൻ പണമോ സമ്മാനങ്ങളോ ആഗ്രഹിച്ചിട്ടില്ല. ആർക്കു വേണ്ടി ജോലി ചെയ്യുന്നോ അവരിൽ നിന്ന് കുറച്ചു മനുഷ്യത്വമാണ് പ്രതീക്ഷിക്കുന്നത്. എന്നാൽ സ്നേഹമോ മനുഷ്യത്വപരമായ പെരുമാറ്റമോ വളരെ അപൂർവമായേ കിട്ടാറുള്ളു എന്നും രാമു പറഞ്ഞതായി കനിഹ കുറിച്ചു. താൻ ഈ ചിത്രമെടുത്തു കഴിഞ്ഞപ്പോൾ അദ്ദേഹം പറഞ്ഞത്, തനിക്കു ഇങ്ങനെ ഒരു ചിത്രമെടുക്കാൻ ഒരുപാട് ആഗ്രഹം ഉണ്ടായിരുന്നു എന്നും, പക്ഷെ എങ്ങനെ കനിഹയോട് അത് എങ്ങനെ ചോദിക്കും എന്നറിയാത്തത് കൊണ്ടുമാണെന്നാണ് തന്റെ കണ്ണിൽ രാമുവാണ് യഥാർത്ഥ ഹീറോയെന്നും നടി കൂട്ടിച്ചേർത്തു.