ആ ചെരുപ്പിന് വില ഒരു ലക്ഷത്തിന് മുകളിൽ;ചർച്ചയായി കരീനയുടെ പുതിയ ചെരുപ്പ്

സിനിമാതാരങ്ങളുടെ വാഹനങ്ങളും വാച്ചുകളും ബാഗുകളും ചെരുപ്പുകളും വരെ ആരാധകർക്ക് ആവേശം പകരുന്ന ഒന്നാണ്. ബോളിവുഡ് താര സുന്ദരി ആയ കരീനകപൂറിൻ്റെ ചെരുപ്പാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. വീട്ടില്‍ നടത്തിയ ഹാലോവീൻ പാർട്ടിയിലാണ് വ്യത്യസ്തമായ ഈ ചെരിപ്പ് കരീന ധരിച്ചത്. ശ്രുതി സാഞ്ചെട്ടി ഡിസൈൻ ചെയ്ത ഗ്രേ നിറത്തിലുള്ള ഡ്രസ്സായിരുന്നു താരത്തിന്റ വേഷം. താരങ്ങളുടെ ഉപകരണങ്ങളുടെ വിലകൾ കണ്ടെത്തി അത് സോഷ്യൽ മീഡിയയിൽ കുറിക്കുന്നത് ഇപ്പോൾ സർവ്വസാധാരണമാണ്.

കരീന കപൂർ ആരാധകർക്കായി അന്ന് എടുത്ത ചിത്രം പങ്കുവച്ചപ്പോൾ എല്ലാവരുടെയും കണ്ണ് പതിഞ്ഞത് ചെരുപ്പിൽ ആണ്. ഇറ്റാലിയൻ ആഡംബര ബ്രാൻ‍ഡ് ബോറ്റേഗ വെനറ്റയില്‍ നിന്നുള്ള ചെരിപ്പാണിതെന്ന് ആരാധകർ കണ്ടെത്തി. ചതുരാകൃതിയിലുള്ള ചെരിപ്പ് ഇളം മഞ്ഞ നിറത്തിലാണിത്. വെനേറ്റയുടെ ഐകോണിക് ബ്രെയ്ഡ് ഡിസൈലുള്ള ചെരിപ്പ് കാഴ്ചയിൽ തീർത്തും വ്യത്യസ്തമാണ്. 1430 അമേരിക്കൻ ഡോളർ (ഇന്ത്യൻ രൂപയിൽ ഏകദേശം 1,06,600) ആണ് വില.