ഞങ്ങള്‍ രണ്ടുപേരും ഷൂട്ടിംങ് സെറ്റില്‍, നിറവയറുമായുള്ള ചിത്രം പങ്കുവെച്ച് കരീന

ബോളിവുഡ് താരം കരീന കപൂർ രണ്ടാമതും അമ്മയാകാനുള്ള തയ്യാറെടുപ്പിലാണ്, തങ്ങൾക്ക് രണ്ടാമത്തെ കുട്ടി ജനിക്കാൻ പോകുന്ന വിവരം ഇരുവരും സോഷ്യൽ മീഡിയ വഴി ആരാധകരെ അറിയിച്ചിരുന്നു, താര കുടുംബത്തെ പോലെ കുഞ്ഞിനെ കാണാൻ ആരാധകരും ആകാംക്ഷയോടെ കാത്തിരിക്കുകയാണ്. ഇപ്പോഴിതാ തന്‍റെ പുത്തന്‍ ചിത്രങ്ങളാണ് കരീന ഇന്‍സ്റ്റഗ്രാമിലൂടെ പങ്കുവച്ചിരിക്കുന്നത്. നിറവയറുമായി നിൽക്കുന്ന കരീനയെ ആണ് ചിത്രത്തില്‍ കാണുന്നത്. ‘ഞങ്ങള്‍ രണ്ടുപേരും ഷൂട്ടിംങ് സെറ്റില്‍’ എന്ന ക്യാപ്ഷനോടെയാണ് ഏഴാം മാസത്തെ ചിത്രം കരീന പങ്കുവച്ചിരിക്കുന്നത്.

ചിത്രത്തിൽ പിങ്ക് കളറിലുള്ള വസ്ത്രമാണ് കരീന ധരിച്ചിരിക്കുന്നത്, ചിത്രം വളരെ പെട്ടെന്ന് തന്നെ സോഷ്യൽ മീഡിയയിൽ ഏറെ ശ്രദ്ധ നേടിയിരുന്നു, ഗർഭിണി ആയതിനു ശേഷവും കരീന ഷൂട്ടിംഗ് സൈറ്റിലും ചടങ്ങുകളിലും ഒക്കെ പങ്കുടുക്കാറുണ്ട്, ഗർഭിണി ആണെന്ന് കരുതി വീട്ടിൽ ഇരിക്കാൻ തന്നെ കിട്ടില്ല എന്നാണ് കരീന പറയുന്നത്,  അമ്മയാകുക എന്നത് രോഗാവസ്ഥ അല്ല. അതിനാൽ തന്നെ എപ്പോഴും വീട്ടിലിരിക്കാൻ കഴിയില്ല എന്നും കരീന ഒരു അഭിമുഖത്തില്‍ പറഞ്ഞു. ഗര്‍ഭിണിയായ കരീനയുടെ വസ്ത്രധാരണവും ഫാഷന്‍ ലോകത്ത് ഇപ്പോള്‍ ചര്‍ച്ചാവിഷയമാണ്.

ഗര്ഭകാലത്തുള്ള കരീനയുടെ വസ്ത്രധാരണവും ഏറെ ശ്രദ്ധ നേടുകയാണ്, വളരെ സിംപിൾ ആയിട്ടുള്ള വസ്ത്രങ്ങളാണ് കരീന തിരഞ്ഞെടുക്കുന്നത്, കാഫ്താനും ഡ്രസ്സുമൊക്കെ ധരിച്ചുള്ള കരീനയുടെ ചിത്രങ്ങള്‍  സോഷ്യൽ മീഡിയയിൽ വൈറൽ ആയിരുന്നു. ഏറെ നാളത്തെ പ്രണയത്തിന് ശേഷം 2012-ലാണ് കരീനയും സെയ്ഫും വിവാഹിതരാകുന്നത്. ലോക്ക്ഡൗൺ കാലത്തായിരുന്നു രണ്ടാമതും കുഞ്ഞ് ജനിക്കാൻ പോകുന്ന വിവരം താരകുടുംബം വെളിപ്പെടുത്തിയത്.