ആഡംബര കാറിന് നികുതി അടയ്ക്കാത്തതിന് നടന്‍ വിജയ്‌ക്കെതിരെ കോടതി പിഴ ചുമത്തിയ സംഭവത്തില്‍ പ്രതികരിച്ച് നടി കസ്തൂരി ശങ്കര്‍. വിവാദത്തിനു കാരണമായ വിജയ്യുടെ റോള്‍സ് റോയ്‌സ് വണ്ടിയുടെ ചിത്രം പങ്കുവച്ചായിരുന്നു നടിയുടെ പ്രതികരണം. ഒരു ലക്ഷം രൂപയാണ് കോടതി പിഴയിട്ടത്.
‘ഇതാണ് വാര്‍ത്തകള്‍ക്ക് ആധാരമായ വിജയ്യുടെ റോള്‍സ് റോയ്‌സ് ഗോസ്റ്റ് വണ്ടി. 2013ല്‍ എട്ട് കോടി രൂപ മുടക്കി, 1.6 കോടി നികുതിയും നല്‍കിയാണ് അദ്ദേഹം ഇത് വാങ്ങിയത്. ഇന്ന് ഇപ്പോള്‍ ഇതേ വണ്ടിയുടെ പേരില്‍ മദ്രാസ് ഹൈക്കോടതി അദ്ദേഹത്തെ രൂക്ഷമായി വിമര്‍ശിച്ചിരിക്കുന്നു. മുഖ്യമന്ത്രിയുടെ ഫണ്ടിലേയ്ക്ക് ഒരു ലക്ഷം രൂപ നല്‍കാനും ആവശ്യപ്പെട്ടു.’-കസ്തൂരി ട്വീറ്റ് ചെയ്തു.
കസ്തൂരിയുടെ ട്വീറ്റിനു താഴെ നിരവധി ആളുകള്‍ വിജയ്‌യെ പിന്തുണച്ചെത്തി. പിഴ വിധിച്ചതിനു ശേഷമുള്ള ജസ്റ്റിസ് എസ്.എം.സുബ്രഹ്മണ്യത്തിന്റെ ഉത്തരവിനെക്കുറിച്ചും നടി അടുത്ത ട്വീറ്റിലൂടെ വിശദീകരിക്കുന്നുണ്ട്.
വിജയ് അഭിനയിക്കുന്ന ചിത്രങ്ങള്‍ എല്ലാം തന്നെ അഴിമതിക്ക് എതിരെയുള്ളതാണ്. അത്തരം വേഷങ്ങളിലൂടെയാണ് ആരാധകരുണ്ടായതും. ടാക്സ് വെട്ടിപ്പ് നടത്തിയത് ഒരിക്കലും അംഗീകരിക്കാന്‍ കഴിയുന്ന ഒന്നല്ല. തന്റെ സിനിമ കാണാന്‍ ടിക്കറ്റ് എടുക്കുന്ന ലക്ഷക്കണക്കിന് ആരാധകരെ വിജയ് ഓര്‍ക്കണമായിരുന്നു. അവര്‍ ടിക്കറ്റ് എടുക്കുന്നതുകൊണ്ടും സിനിമ കാണുന്നതുകൊണ്ടുമാണ് താരത്തിന് ആഡംബര കാര്‍ സ്വന്തമാക്കാന്‍ കഴിഞ്ഞതെന്ന് ഓര്‍ക്കാമായിരുന്നെന്നും കസ്തൂരി ട്വീറ്റില്‍ പറയുന്നു.
സാധാരണക്കാര്‍ നികുതി അടയ്ക്കുകയും നിയമത്തിന് അനുസരിച്ച് ജീവിക്കുകയും ചെയ്യാന്‍ തയ്യാറാകുമ്പോള്‍ വിജയ്‌യെ പോലുള്ളവരുടെ ഇത്തരം പെരുമാറ്റങ്ങള്‍ സമൂഹത്തെ തെറ്റായി സ്വാധീനിക്കുമെന്നും ജസ്റ്റിസ് സുബ്രഹ്മണ്യം പറഞ്ഞുവെന്നും നടി ട്വീറ്റിലൂടെ പറയുന്നുണ്ട്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…