ബോളിവുഡിൽ ഇതു പോലൊരു വിവാഹം ഇതിനു മുമ്പ് ഉണ്ടായിട്ടുണ്ടാകില്ല. ഇന്ത്യയിൽ ഈ അടുത്ത കാലത്ത് ഇത്രയധികം വാർത്താപ്രാധാന്യം നേടിയ മറ്റൊരു വിവാഹവും ഉണ്ടായിരിക്കില്ല. അത്രയേറെ വാർത്താപ്രാധാന്യാണ് കത്രിന കൈഫ് – വിക്കി കൗശാൽ വിവാഹത്തിന് ലഭിച്ചിരിക്കുന്നത്. മൂന്ന് ദിവസങ്ങളിലായാണ് വിവാഹചടങ്ങുകൾ. രാജസ്ഥാനിലെ ആഡംബര റിസോർട്ടിൽ വെച്ചാണ് വിവാഹം. ഈ വിവാഹത്തിന്റെ സംപ്രേഷണാവകാശം ഒടിടി പ്ലാറ്റ്ഫോമിന് വിറ്റുവെന്ന വാർത്തയാണ് ഇപ്പോൾ പുറത്തു വന്നിരിക്കുന്നത്. 80 കോടി രൂപയ്ക്കാണ് ആമസോൺ പ്രൈം വിവാഹ ചടങ്ങുകളുടെ ഒടിടി റൈറ്റ്സ് വാങ്ങിയിരിക്കുന്നത്. ദേശീയ മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്.
കഴിഞ്ഞ കുറച്ചു ദിവസങ്ങളായി സോഷ്യൽ മീഡിയയിൽ സജീവമാണ് കത്രിന കൈഫ് – വിക്കി കൗശാൽ വിവാഹം. 80 കോടി രൂപയ്ക്കും 100 കോടി രൂപയ്ക്കും ഇടയ്ക്കാണ് ആമസോൺ പ്രൈം ഒടിടി റൈറ്റ്സ് സ്വന്തമാക്കിയിരിക്കുന്നത്. വിദേശ രാജ്യങ്ങളിൽ താരവിവാഹങ്ങളുടെ സംപ്രേഷണാവകാശം ഒടിടി പ്ലാറ്റ്ഫോമുകൾ സ്വന്തമാക്കാറുണ്ട്. പ്രിയങ്ക ചോപ്രയുടെയും നിക്ക് ജൊനാസിന്‍റെയും വിവാഹം ഇത്തരത്തില്‍ ഒടിടി പ്ലാറ്റ്ഫോമിലൂടെ സിരീസ് ആയി വന്നിരുന്നു. 2019ൽ ആയിരുന്നു പ്രിയങ്ക – നിക്ക് ജോനാസ് വിവാഹം.
നേരത്തെ ദീപിക പദുകോണ്‍ – രണ്‍വീര്‍ സിംഗ് വിവാഹത്തിന് ഒരു ഒടിടി പ്ലാറ്റ്ഫോം ഇത്തരത്തിൽ വിവാഹചടങ്ങുകളുടെ റൈറ്റ്സ് സ്വന്തമാക്കാൻ ശ്രമിച്ചിരുന്നെങ്കിലും താരങ്ങൾക്ക് അത് സ്വീകാര്യമായിരുന്നില്ല. വിവാഹത്തിന്റെ സ്വകാര്യത നഷ്ടപ്പെടുന്നതിൽ ഇരുവർക്കും താൽപര്യമില്ലാതിരുന്നതിനെ തുടർന്നായിരുന്നു ഇത്. ഏതായാലും വൻ വാർത്താപ്രാധാന്യം നേടുന്ന കത്രിന – വിക്കി വിവാഹത്തോടെ ഇന്ത്യയിൽ താരവിവാഹങ്ങളുടെ ഒടടി സംപ്രേഷണത്തിന് മികച്ച തുടക്കമിടാമെന്നാണ് പ്രൈം വീഡിയോയുടെ കണ്ടെത്തൽ.
ചടങ്ങിലേക്ക് ക്ഷണിക്കപ്പെട്ട അതിഥികൾക്ക് കർശനമായ നിർദ്ദേശങ്ങൾ നൽകിയിട്ടുണ്ടെന്നാണ് റിപ്പോർട്ടുകൾ. വിവാഹസ്ഥലത്തേക്ക് മൊബൈൽ ഫോൺ കൊണ്ടു വരരുതെന്ന് അതിഥികളോട് ആവശ്യപ്പെട്ടിട്ടുണ്ട്. ഒടിടിയിലേക്ക് വരുന്നതിനു മുമ്പ് വിവാഹത്തിന്റെ ചിത്രങ്ങളും വീഡിയോകളും സോഷ്യൽമീഡിയയിൽ പ്രചരിക്കുന്നത് തടയാനാണ് ഇത്. ഇന്ത്യയിലെ സമീപകാലത്തെ ശ്രദ്ധേയ ഒടിടി റിലീസുകളിൽ ഒന്നായിരുന്നു മോഹൻലാൽ നായകനായി എത്തിയ ദൃശ്യം 2. ആമസോൺ പ്രൈമിൽ നിന്ന് 30 കോടി രൂപയായിരുന്നു ഈ ചിത്രത്തിന് ലഭിച്ചതെന്നാണ് റിപ്പോർട്ടുകൾ.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…