കാവ്യയായതുകൊണ്ട് ആ അഡ്ജസ്റ്റ്‌മെന്റിന് തയ്യാറായി,നവ്യാ നായർ അത് ചെയ്യിലായിരുന്നു;തുറന്ന് പറഞ്ഞ് സംവിധായകൻ

ബനാറസിലെ മനോഹര ദൃശ്യങ്ങൾ ഒപ്പിയെടുത്ത ഒരു ചിത്രമായിരുന്നു 2009 ൽ നേമം പുഷപരാജ്‌ സംവിധാനം ചെയ്തു പുറത്ത് വന്ന ബനാറസ്. വിനീത് നവ്യാ നായർ കാവ്യ മാധവൻ എന്നിവർ പ്രധാന വേഷത്തിലെത്തിയ ചിത്രം മികച്ച വിജയം കൈവരിച്ചില്ലെങ്കിലും കലാ പ്രാധാന്യം കൊണ്ട് നേട്ടം കൈവരിച്ചു. നായികമാർക്ക് കൂടുതൽ പ്രാധാന്യം നൽകുന്ന ഒരു ചിത്രമായിരുന്നു ബനാറസ്. നവ്യാനായരും കാവ്യമാധവനും അഭിനയരംഗത്ത് ജ്വലിച്ചു നിന്നിരുന്ന ഒരു സമയത്തായിരുന്നു ബനാറസ് പുറത്തുവന്നത്. എന്നാൽ സിനിമയുടെ ചിത്രീകരണത്തിന് മുമ്പ് കഥാപാത്രത്തിന്റെ പ്രാധാന്യത്തെ ചൊല്ലി ചെറിയ തർക്കങ്ങൾ ഉണ്ടായിരുന്നു എന്ന് ഇപ്പോൾ വ്യക്തമാക്കുകയാണ് സംവിധായകൻ.

നേമം പുഷപരാജിന്റെ വാക്കുകൾ:

‘ചിത്രത്തിൽ കാവ്യയ്ക്കും നവ്യയ്ക്കും തുല്യ പ്രധാന്യം തന്നെയായിരുന്നു. എന്നാൽ ഒരു അൽപം കൂടുതൽ കാവ്യയ്ക്ക് ആയിരുന്നു. ചിത്രത്തിൽ നമ്മൾ കൊടുത്ത റോൾ അവർ സ്വീകരിക്കുകയായിരുന്നു. അല്ലാതെ അവർക്കൊരു മുൻഗണനയൊ സെലക്ട് ചെയ്യാനുള്ള അവസരമോ കൊടുത്തിരുന്നില്ല. എന്നാൽ നവ്യയ്ക്ക് അതിലൊരു തെറ്റിദ്ധാരണ ഉണ്ടാവുകയായിരുന്നു. കുറച്ചു സമയത്തേയ്ക്ക് മാത്രമായിരുന്നു അത്.

ചിത്രത്തിൽ തന്റെ വേഷം അപ്രധാനമായിപ്പോയോ എന്നായിരുന്നു സംശയം. കാരണം ബനാറസിന്റെ ഷൂട്ട് കഴിഞ്ഞപ്പോഴേയ്ക്കും മാസികയിലും മറ്റും കാവ്യയുടേയും വിനീതിന്റേയും ചിത്രങ്ങൾ വാരൻ തുടങ്ങി. കാവ്യയ്ക്ക് അമിതമായി പ്രാധാന്യം കിട്ടുന്നുണ്ടെന്നും തന്റെ ക്യാരക്ടറിലേയ്ക്ക് മറ്റാരെയെങ്കിലും നോക്കണമെന്ന് നവ്യ മറ്റു ചിലർ വഴി അറിയിക്കുകയായിരുന്നു. എന്നാൽ പിന്നീട് തെറ്റിദ്ധാരണകൾ എല്ലാം മാറുകയായിരുന്നു. ചെറിയ കഥാപാത്രമാണെങ്കിലും കാവ്യയ്ക്ക് പരാതിയില്ല. അതാണ് കാവ്യയുടെ സ്വഭാവം. അത് തുറന്നു കാണിക്കുന്ന ഒരു സംഭവമുണ്ടായിരുന്നു. ചിത്രത്തിലെ സോംഗ് കോസ്റ്റ്യൂം ഒരു ദിവസം അത്ര ശരിയായി വന്നില്ല. ക്യാമറയെല്ലാ റെഡിയായിട്ടും കാവ്യ എത്തിയില്ല. വസ്ത്രം പ്രശ്നമായതു കൊണ്ട് കാവ്യ വരുന്നില്ല എന്ന് അസോസിയേറ്റാണ് വന്ന് പറയുന്നത്. ഞാൻ ഉടൻ തന്നെ കാവ്യയെ ചെന്ന് കണ്ടു. നല്ല ഡ്രസ് ആണല്ലോ.. ഇതിനെന്താ പ്രശ്നം എന്ന് ചോദിച്ചപ്പോൾ , കുഴപ്പമില്ലേ എന്ന് ചോദിച്ച് അവൾ എന്റെ കൂടെ വന്ന് അഭിനയിക്കുകയായിരുന്നു. എന്നാൽ ആ സ്ഥാനത്ത് നവ്യ ആയിരുന്നെങ്കിൽ ഒരുപക്ഷെ അതൊരു പ്രശ്നമായേക്കാം”