‘കെടാകനലുകൾ’; സണ്ണി വെയിൻ ചിത്രം ‘അപ്പനി’ലെ ഗാനം എത്തി; സണ്ണിയുടെ വേറിട്ട വേഷപകർച്ച, എന്താ ഒരു ഫീലെന്ന് ആരാധകർ

സണ്ണി വെയിൻ കേന്ദ്ര കഥാപാത്രമായി എത്തുന്ന അപ്പൻ സിനിമയിലെ ‘കെടാകനലുകൾ’ എന്ന ഗാനത്തിന്റെ ലിറിക്കൽ വീഡിയോ റിലീസ് ചെയ്തു. സൈന മ്യൂസികിന്റെ യുട്യൂബ് ചാനലിലൂടെയാണ് പാട്ട് റിലീസ് ചെയ്തിരിക്കുന്നത്. വിനായക് ശശികുമാറിന്റെ വരികൾ ഡോൺ വിൻസന്റ് ആണ് സംഗീതം നൽകിയിരിക്കുന്നത്. ഷഹബാസ് അമൻ ആണ് ഗാനം ആലപിച്ചിരിക്കുന്നത്. സണ്ണി വെയിൻ തികച്ചും വ്യത്യസ്തമായ ഗെറ്റപ്പിൽ എത്തുന്ന ചിത്രമാണ് അപ്പൻ. മജുവാണ് ചിത്രത്തിന്റെ സംവിധാനം.

ടൈനി ഹാൻഡ്സ് പ്രൊഡക്ഷൻസിന്റെ ബാനറിൽ നിർമാതാക്കളായ ജോസ് കുട്ടി മഠത്തിൽ, രഞ്ജിത്ത് മണബ്രക്കാട്ട് എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. സണ്ണി വെയ്ൻ പ്രൊഡക്ഷൻസുമായി ചേർന്നാണ് ചിത്രം നിർമ്മിക്കുന്നത്. മജുവും ആർ ജയകുമാറും ചേർന്നാണ് ചിത്രത്തിന്റെ രചന. ചിത്രത്തിന്റെ ട്രയിലറിന് പ്രേക്ഷകർ മികച്ച സ്വീകരണമാണ് നൽകിയത്. ഇതുവരെ ഒരു മില്യണിന് മുകളിൽ ആളുകളാണ് ട്രയിലർ കണ്ടത്. ട്രയിലറിൽ നിന്ന് ചിത്രം ഡാർക്ക് കോമഡി ഗണത്തിൽപ്പെടുന്ന ചിത്രമായാണ് മനസ്സിലാക്കുന്നത്.

‘അപ്പൻ’ സിനിമയുടെ ചിത്രീകരണം പ്രധാനമായും തൊടുപുഴയിൽ ആയിരുന്നു. സണ്ണി വെയിനെ കൂടാതെ അലൻസിയർ, അനന്യ, ഗ്രേസ് ആന്റണി, പോളി വത്സൻ, രാധിക രാധാകൃഷ്ണൻ, അനിൽ കെ ശിവറാം, വിജിലേഷ്, ഉണ്ണി രാജ, ദ്രുപദ് കൃഷ്ണ എന്നിവരും സിനിമയിൽ പ്രധാനവേഷങ്ങൾ ചെയ്യുന്നു. മജുവും ആർ ജയകുമാറും ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഛായാഗ്രഹണം – പപ്പു. എഡിറ്റർ – കിരൺ ദാസ്, സംഗീതം – ഡോൺ വിൻസെന്റ്, ഗാനരചന – അൻവർ അലി, സിങ്ക് സൗണ്ട് – ലെനിൻ വലപ്പാട്, സൗണ്ട് ഡിസൈൻ – വിക്കി, കിഷൻ. എക്സിക്യൂട്ടീവ് പ്രൊഡ്യൂസർ – ദീപു ജി പണിക്കർ, മേക്കപ്പ് – റോണെക്സ് സേവ്യർ, ആർട്ട് – കൃപേഷ് അയ്യപ്പൻകുട്ടി, കോസ്റ്റ്യൂം – സുജിത്ത് മട്ടന്നൂർ, പ്രൊഡക്ഷൻ കൺട്രോളർ – ദീപക് പരമേശ്വരൻ, പ്രൊഡക്ഷൻ എക്സിക്യൂട്ടീവ് – പ്രസാദ്, ലൊക്കേഷൻ മാനേജർ – സുരേഷ്, സ്റ്റിൽസ് – റിച്ചാർഡ്, ഡിസൈൻസ് – ഓൾഡ് മങ്ക്സ്’