“കാരവാൻ” ഇല്ലാതെ “ഏ സി സ്യൂട്ട് റൂമി”ല്ലാതെ “പ്രതിഫലം” വാങ്ങാതെ കൂടെ നിന്ന നെഞ്ച് നിറയെ സ്നേഹമുള്ളവൻ” കിസ്മത്ത് സംവിധായകന്റെ കുറിപ്പ്

ഷെയ്ൻ നിഗം വിവാദത്തിൽ മലയാള സിനിമ നിറഞ്ഞു നിൽക്കുകയാണിപ്പോൾ. വെയിൽ, കുർബാനി എന്നീ ചിത്രങ്ങൾ ഉപേക്ഷിക്കുകയും ഷെയിനിന് വിലക്ക് ഏർപ്പെടുത്തുകയും ചെയ്‌ത നിർമാതാക്കളുടെ സംഘടനക്ക് എതിരെ തിരിഞ്ഞിരിക്കുകയാണ് ഇപ്പോൾ ഒട്ടു മിക്കവരും. ലഹരിമരുന്നിന്റെ ഉപയോഗവും ഇതിനിടയിൽ ചർച്ചക്ക് വന്നിട്ടുണ്ട്. സിനിമ ലോകത്തെ ഒന്നടങ്കം അടച്ചാക്ഷേപിക്കുന്നത് പോലെയാണ് ലഹരി മരുന്നിന്റെ വിഷയം ചർച്ച ചെയ്യപ്പെടുന്നത് എന്നതിനാൽ തന്നെ അഭിനേതാക്കളും മറ്റുള്ളവരും നിർമാതാക്കൾക്ക് എതിരെ തിരിഞ്ഞിരിക്കുകയാണ്. ഇപ്പോഴിതാ ഷെയിൻ നിഗത്തിനെ നായക പദവിയിലേക്ക് ഉയർത്തിയ കിസ്മത്ത് എന്ന ചിത്രത്തിന്റെ സംവിധായകൻ ഷാനവാസ് എം ബാവക്കുട്ടി കുറിച്ച വാക്കുകളാണ് ഇപ്പോൾ ഏറെ ശ്രദ്ധ പിടിച്ചു പറ്റുന്നത്.

പ്രിയരേ …
ഞാനിപ്പോൾ ഒരു മനോഹര “സ്വപ്നം” കണ്ടു !!!
“ഉല്ലാസ” ത്തിന്റെ ഡബ്ബിംഗ് പൂർത്തിരിച്ച് “വെയിലും” “കുർബാനിയും” ചിത്രീകരണം പൂർത്തികരിച്ച് “വലിയ പെരുന്നാൾ” സൂപ്പർ ഹിറ്റായി മലയാള സിനിമയുടെ വെള്ളിത്തിരയിൽ പിന്നെയും പിന്നെയും ഹിറ്റടിച്ച് വിജയശ്രീലാളിതനായി നിൽക്കുന്ന ഞങ്ങളുടെ ഷൈൻ നിഗത്തിനെ ….
എനിക്കുറപ്പാണ് എന്റെ സ്വപ്നം ഫലിക്കുമെന്നും അവൻ വിജയിക്കുമെന്നും കാരണം എന്റെ സ്വപ്നം “കിസ്മത്ത്” സാക്ഷാത്കരിക്കാൻ “കാരവാൻ” ഇല്ലാതെ “ഏ സി സ്യൂട്ട് “റൂമില്ലാതെ “പ്രതിഫലം” വാങ്ങാതെ കൂടെ നിന്ന ഷൈൻ നിഗം എന്ന നെഞ്ച് നിറയെ സ്നേഹമുള്ള മനുഷ്യനെ …❤️
NB … സ്വപ്നത്തിന്റെ അവസാനം ഞാൻ ഞെട്ടി ഉണർന്ന കാഴ്ച കൂടി പറയട്ടെ “കിസ്മത്ത്” എന്ന സിനിമ യുടെ പ്രൊഡ്യൂസർ “ഷൈലജ മണികണ്ഠനെ” അസോസിയേഷൻ മെമ്പർഷിപ്പ് ലഭിക്കാൻ ഇന്റർവ്യൂ ചെയ്ത അടുത്ത കാലത്തൊന്നും സിനിമ ചെയ്യാത്ത ആ ചേട്ടന്റെ വാക്കുകൾ …” ഇത്തരം സിനിമകൾ തിയറ്ററിൽ ഓടില്ല നിങ്ങടെ കാശ് പോകും വേഗം രക്ഷപ്പെട്ടൊളൂ” 🙄