കോട്ടയം കുഞ്ഞച്ചൻ 2; എതിർപ്പുമായി ഒന്നാംഭാഗത്തിന്റെ അണിയറക്കാർ

ഫ്രൈഡേ ഫിലിംസിന്റെ ബാനറിൽ കഴിഞ്ഞദിവസം പ്രഖ്യപിച്ച കോട്ടയം കുഞ്ഞച്ചൻ 2 ന് എതിർപ്പുമായി ആദ്യസിനിമയിലെ അണിയറക്കാർ.മുൻ‌കൂർ അനുമതി തേടാതെയാണ് പ്രഖ്യാപനം നടത്തിയത് എന്ന് ആദ്യ സംവിധായകൻ റ്റി.എസ്. സുരേഷ്ബാബു. കോട്ടയം കുഞ്ഞച്ചന്റെ രണ്ടാം ഭാഗത്തിനായി പകര്‍പ്പകവാശം നല്‍കില്ലെന്ന് ആദ്യ നിര്‍മ്മാതാവ് അരോമ മണി പറഞ്ഞു.
അണിയറക്കാര്‍ മമ്മൂട്ടിയെ തെറ്റിദ്ധരിപ്പിച്ചാണ് പ്രഖ്യാപനം നടത്തിയതെന്നും സിനിമയുടെ പേരും പോസ്റ്ററും ഉള്‍പ്പെടുത്തി ഇനിയും മുന്നോട്ട് പോയാല്‍ നിയമപരമായി നേരിടുമെന്നും അരോമ മണി മാധ്യമങ്ങളെ അറിയിച്ചു.ജനശ്രദ്ധ ഏറെ ആകർഷിച്ചതും പ്രേക്ഷകർ ഒന്നടങ്കം ഏറ്റെടുത്തമാണ് കോട്ടയം കുഞ്ഞച്ചൻ 2 റെ പ്രഖ്യപനം.ചിത്രത്തിന്റെ രണ്ടാം ഭാഗമായ കോട്ടയം കുഞ്ഞച്ചന്‍ 2-വിന്റെ പോസ്റ്റര്‍ തന്റെ ഔദ്യോഗിക ഫേസ്ബുക്ക് പേജിലൂടെ മമ്മൂട്ടി തന്നെയാണ് പുറത്തു വിട്ടത്. യുവസംവിധായകന്‍ മിഥുന്‍ മാനുവല്‍ തോമസാണ് കോട്ടയം കുഞ്ഞച്ചന്റെ രണ്ടാം ഭാഗം സംവിധാനം ചെയ്യുന്നത് എന്നായിരുന്നു റിപ്പോര്‍ട്ട്. ഫ്രൈഡേ ഫിലിംസിന്റെ ബാനറില്‍ വിജയ് ബാബുവാണ് ചിത്രം നിര്‍മ്മിക്കാന്‍‍ ഉദ്ദേശിച്ചിരുന്നത്.
1990 ൽ ടി എസ്‌ സുരേഷ് ബാബുവിന്റെ സംവിധാനത്തിൽ എഴുത്തുകാരനായ മുട്ടത്തുവർക്കി എഴുതിയ നോവലിനെ ആസ്പദമാക്കിയാണ് സിനിമ പുറത്തിറങ്ങിയത്.സംവിധായകന്റെ പ്രതീക്ഷകൾക്കപ്പുറം സിനിമ സൂപ്പർഹിറ്റിലേക്ക് കുതിക്കുകയായിരുന്നു.
ഫ്രൈഡേ ഫിലിംസിന്റെ ബാനറില്‍ വിജയ് ബാബുവാണ് ചിത്രം നിര്‍മ്മിക്കുന്നത്.