ആലിയ ഭട്ടും രൺബീർ കപൂറും വിവാഹമോചിതരാകുമെന്ന് പ്രവചനം..! ആദ്യമേ വിവാഹം കഴിയട്ടേയെന്ന് പ്രേക്ഷകർ..!

വിവാദങ്ങളിലൂടെ എന്നും വാർത്തകളിൽ ഇടം പിടിക്കുന്ന ഒരു വ്യക്തിയാണ് കമാൽ ആർ ഖാൻ. സ്വയം പ്രഖ്യാപിത നിരൂപകനായ അദ്ദേഹം ബോളിവുഡ് താരങ്ങളോട് എന്തോ അടങ്ങാത്ത വെറുപ്പ് ഉള്ളത് പോലെയാണ് ചിത്രങ്ങൾ വിശകലനം ചെയ്യുന്നത്. ബോളിവുഡ് താരങ്ങളെ കുറിച്ചുള്ള പ്രവചനങ്ങൾ നടത്തിയാണ് കമാൽ ഇപ്പോൾ ശ്രദ്ധ നേടുന്നത്. അതിൽ ഏറെ വാർത്താപ്രാധാന്യം നേടിയിരിക്കുന്നത് ആലിയ ഭട്ട് – രൺബീർ കപൂർ ജോഡിയെ കുറിച്ചുളള പ്രവചനമാണ്.

2022 അവസാനത്തോടെ ഇരുവരും വിവാഹിതരാകുമെന്ന് പ്രഖ്യാപിച്ച കമാൽ ഖാൻ ഇരുവരും 15 വർഷങ്ങൾ തികയുന്നതിന് മുൻപേ വിവാഹമോചിതരാകുമെന്നും പ്രവചിച്ചിട്ടുണ്ട്. കങ്കണ റണൗട്ട്, തബു എന്നിവർ വിവാഹിതരാകില്ല എന്നും പ്രവചിച്ച കമാൽ പ്രിയങ്ക ചോപ്രയും നിക്ക് ജോനാസും 10 വർഷത്തിനുള്ളിൽ വിവാഹമോചിതരാകും എന്നും പ്രവചിച്ചിട്ടുണ്ട്.