ചാക്കോച്ചൻ ഇനി ചോക്ലേറ്റ് ഹീറോയല്ല മസിൽമാൻ ആണ്..! പുതിയ ഫോട്ടോസ് കണ്ട് അമ്പരന്ന് ഏവരും..! [PHOTOS]

നായകനായി അരങ്ങേറ്റം കുറിച്ച് രണ്ടു ദശാബ്ദം പിന്നിട്ടിട്ടും ഇപ്പോഴും മലയാളി പ്രേക്ഷകർക്ക് ചാക്കോച്ചൻ എന്ന പേര് കേൾക്കുമ്പോൾ ഓർമയിലെത്തുന്നത് ഒരു ചോക്ലേറ്റ് നായകന്റെ ലുക്കാണ്. എന്നാൽ മിഥുൻ മാനുവൽ തോമസ് സംവിധാനം നിർവഹിച്ച അഞ്ചാം പാതിരായിലൂടെ തന്റെ കരിയർ തന്നെ മാറ്റി മറിക്കുന്ന പ്രകടനമാണ് ചാക്കോച്ചൻ നടത്തിയിരിക്കുന്നത്. ചിത്രം കണ്ട് ഞെട്ടിയ പ്രേക്ഷകരെ തന്റെ പുതിയ ലുക്ക് കൊണ്ട് വീണ്ടും ഞെട്ടിച്ചിരിക്കുകയാണ് അദ്ദേഹം. ചാർലിക്ക് ശേഷം മാർട്ടിൻ പ്രക്കാട്ട് സംവിധാനം നിർവഹിക്കുന്ന പുതിയ ചിത്രത്തിന് വേണ്ടിയാണ് ബോഡി ബിൽഡപ്പും വടംവലിയുമായി ചാക്കോച്ചൻ എത്തിയിരിക്കുന്നത്. ഇൻസ്റ്റാഗ്രാമിൽ ചാക്കോച്ചൻ പങ്ക് വെച്ച ചിത്രത്തിന് കമന്റുകളുമായി സിനിമ രംഗത്തെ പലരും വന്നിട്ടുണ്ട്.

കുഞ്ചാക്കോ ബോബൻ, ജോജു ജോർജ്, നിമിഷ സജയൻ, യമ, അനിൽ നെടുമങ്ങാട് എന്നിവർ മാർട്ടിൻ പ്രക്കാട്ട് ഒരുക്കുന്ന ഈ ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. ചിത്രത്തിന് രചന നിർവഹിക്കുന്നത് ജോസഫ് എന്ന ചിത്രത്തിലൂടെ ശ്രദ്ധേയനായ ഷാഹി കബീറാണ്. കൂടാതെ ഒഡിഷനിലൂടെ തിരഞ്ഞെടുക്കപ്പെട്ട കഴിവുറ്റ നിരവധി പുതുമുഖങ്ങളും ചിത്രത്തിൽ അണിനിരക്കുന്നുണ്ട്. ഷൈജു ഖാലിദാണ് ക്യാമറ കൈകാര്യം ചെയ്യുന്നത്. അൻവർ അലി എഴുതിയ വരികൾക്ക് സംഗീതം നിർവഹിക്കുന്നത് വിഷ്ണു വിജയാണ്. മഹേഷ് നാരായൺ എഡിറ്റിംഗും റോണി സേവ്യർ മേക്കപ്പും നിർവഹിക്കുന്നു. സമീറ സനീഷാണ് കോസ്റ്റ്യൂംസ് ഒരുക്കുന്നത്. സ്റ്റിൽസ് – അനൂപ് ചാക്കോ.

ചിത്രം നിർമ്മിക്കുന്നത് രഞ്ജിത് (സംവിധായകൻ), ശശികുമാർ എന്നിവരുടെ ഉടമസ്ഥതയിലുള്ള ഗോൾ‍ഡ് കോയ്ൻ പിക്ച്ചേർസും മാർട്ടിൻ പ്രക്കാട്ട് ഫിലിംസും ചേർന്നാണ്. കോലഞ്ചേരി, അടിമാലി, മൂന്നാർ, വട്ടവട, കൊട്ടക്കാംബൂർ എന്നിവിടങ്ങളാണ് ലൊക്കേഷനുകൾ.