മലയാളനടനുമായി വിവാഹം..! വാർത്തകളോട് പ്രതികരിച്ച് ലക്ഷ്‌മി ഗോപാലസ്വാമി

നര്‍ത്തകിയായും നടിയായും പ്രേക്ഷകര്‍ക്ക് സുപരിചിതയാണ് ലക്ഷ്മി ഗോപാലസ്വാമി. മലയാളത്തിലെ ഒട്ടുമിക്ക നടീനടന്‍മാര്‍ക്കൊപ്പം അഭിനയിച്ചിട്ടുമുണ്ട് ലക്ഷ്മി. ഇരുപത് വര്‍ഷം മുന്‍പ് മമ്മൂട്ടിയുടെ നായികയായെത്തിയ ‘അരയന്നങ്ങളുടെ വീട്’ ആയിരുന്നു ലക്ഷ്മിയുടെ ആദ്യ ചിത്രം. ലക്ഷ്മി സിനിമയിലെത്തി ഇരുപത് വര്‍ഷം കഴിഞ്ഞെന്ന് കേള്‍ക്കുമ്പോള്‍ പ്രേക്ഷകര്‍ക്കു തോന്നുന്നത് മറ്റൊരതിശയമാണ്. രണ്ടു പതിറ്റാണ്ട് കഴിഞ്ഞിട്ടും ലക്ഷ്മി ഇപ്പോഴും പഴയതു പോലെ തന്നെ. മാരിറ്റല്‍ സ്റ്റാറ്റസിലും മാറ്റമൊന്നുമില്ല.

സോഷ്യൽ മീഡിയയിൽ നിറഞ്ഞു നിൽക്കുന്ന താൻ വിവാഹിതയാകാൻ പോകുന്നെന്ന വാർത്തകളോട് പ്രതികരിച്ചിരിക്കുകയാണ് നടിയിപ്പോൾ. ഒരു മലയാള നടനുമായി ലക്ഷ്മി ഗോപാലസ്വാമി വിവാഹിതയാവാൻ പോവുകയാണ് എന്നതായിരുന്നു ആദ്യം പ്രചരിച്ച വാർത്ത. ഇതിന് താഴെ ആ നടൻ മുകേഷാണോ ഇടവേള ബാബുവാണോ എന്നുള്ള ചോദ്യങ്ങളുമായി ആരാധകരും രം​ഗത്തെത്തി. തന്റെ വിവാഹ വാർത്ത വ്യാജമെന്നല്ല അത് തീർത്തും അടിസ്ഥാന രഹിതമായ വാർത്തയാണെന്ന് വേണം പറയാൻ. താൻ സോഷ്യൽ മീഡിയയിൽ വാർത്തകൾ കാണുന്നുണ്ടെന്നും താരം വ്യക്തമാക്കി. ഈ വിഷയത്തിൽ എനിക്കിതാണ് മലയാളികളോട് പറയാനുള്ളത്. എന്നെ വിളിച്ച്‌ സത്യാവസ്ഥ തിരക്കിയതിൽ സന്തോഷമുണ്ടെന്നും ഒരു സ്വകാര്യ മാധ്യമത്തിന് അനുവദിച്ച അഭിമുഖത്തിൽ ലക്ഷ്മി പറഞ്ഞു. ഇതോടെ വാർത്തകളെല്ലാം തെറ്റാണെന്ന് തെളിഞ്ഞിരിക്കുകയാണ്.

കൊറോണ സമയത്ത് വിവാഹം വേണമെന്ന് തോന്നിയിട്ടുണ്ടെന്ന് താരം നേരത്തെ വെളിപ്പെടുത്തിയിട്ടുണ്ടായിരുന്നു. കൊറോണക്കാലത്ത് ജീവിതം കുറച്ച് പതുക്കെയായി. ഒരു കംപാനിയന്‍ ഉണ്ടായിരുന്നെങ്കില്‍ നന്നായിരുന്നു എന്ന് തോന്നി. പിന്നെ, പ്രകൃതി എന്താണോ നമുക്കു വേണ്ടി ഒരുക്കി വച്ചിരിക്കുന്നത് അതിലൂടെ തന്നെ നമ്മള്‍ പോകണം. താന്‍ ഈ ലൈഫിലും ഹാപ്പിയാണ്. തന്നോടുള്ള സ്‌നേഹം കൊണ്ട് പലരും ഇതേ ചോദ്യം ചോദിക്കാറുണ്ട്. അപ്പോഴൊക്കെ ഞാന്‍ വിചാരിക്കും ജീവിതത്തില്‍ ഇതൊക്കെ ഇത്രയും പ്രധാനപ്പെട്ട കാര്യങ്ങളാണോ? വിവാഹം കഴിച്ചില്ല എന്നു കരുതി ഒന്നും സംഭവിക്കില്ല. സിംഗിള്‍ ആണെങ്കിലും വിവാഹിത ആണെങ്കിലും ജീവിതത്തില്‍ പ്രശ്‌നങ്ങളുണ്ട്. അതു നമ്മള്‍ തന്നെ നേരിടണം. ഒന്ന് മറ്റൊന്നിനേക്കാള്‍ നല്ലതാണെന്ന് തോന്നുന്നില്ല- താരം പറയുന്നു.