മകൾക്കൊപ്പം ഗുരുവായൂരിൽ എത്തി ലേഖ ശ്രീകുമാർ; സ്നേഹം കൊണ്ട് പൊതിഞ്ഞ് ആരാധകർ

മലയാളി സിനിമാപ്രേക്ഷകരുടെ പ്രിയപ്പെട്ട ഗായകനാണ് എം ജി ശ്രീകുമാർ. പാട്ടിനെ സ്നേഹിക്കുന്ന മലയാളികൾ ചുണ്ടിൽ ഇപ്പോഴും എം ജി പാടിയ പാട്ടുകൾ മൂളി നടക്കാറുണ്ട്. എം ജി ശ്രീകുമാറിന് ഒപ്പം തന്നെ ഭാര്യ ലേഖയും മലയാളികൾക്ക് പ്രിയപ്പെട്ടതാണ്. സോഷ്യൽ മീഡിയയിൽ സജീവമാണ് ലേഖ ശ്രീകുമാർ. ഇപ്പോൾ മകൾക്കൊപ്പമുള്ള ചിത്രങ്ങൾ പങ്കുവെച്ചിരിക്കുകയാണ് ലേഖ സോഷ്യൽ മീഡിയയിൽ. മകൾക്കൊപ്പം ഗുരുവായൂരിൽ എത്തിയപ്പോഴുള്ള ചിത്രമാണ് ലേഖ സോഷ്യൽ മീഡിയയിൽ പങ്കുവെച്ചിരിക്കുന്നത്.

മകൾക്കൊപ്പമുള്ള രണ്ടു ചിത്രങ്ങളാണ് ലേഖ ശ്രീകുമാർ പങ്കുവെച്ചിരിക്കുന്നത്. ഒന്ന് ഗുരുവായൂർ ക്ഷേത്രത്തിൽ നിന്നുളള ചിത്രമാണ് ലേഖ പങ്കുവെച്ചത്. മകൾ നാട്ടിൽ വന്നോ എന്ന ആരാധകരുടെ ചോദ്യങ്ങൾക്ക് അതെ എന്ന മറുപടിയാണ് ലേഖ നൽകിയിരിക്കുന്നത്. നാലാഴ്ചത്തേക്ക് ആണ് മകൾ നാട്ടിൽ എത്തിയിരിക്കുന്നതെന്നും ലേഖ മറുപടി നൽകിയിട്ടുണ്ട്. മകൾക്കൊപ്പം ഗുരുവായൂർ ക്ഷേത്രത്തിൽ നിന്നുള്ള ചിത്രം പങ്കുവെച്ചതിന് ഒപ്പം മകൾക്കും കൂട്ടുകാർക്കും ഒപ്പമുള്ള ചിത്രങ്ങളും ലേഖ പങ്കുവെച്ചിട്ടുണ്ട്.

തനിക്കൊരു മകളുണ്ടെന്നുള്ള കാര്യം ലേഖ തന്നെയായിരുന്നു വെളിപ്പെടുത്തിയത്. ഗൃഹലക്ഷ്മി മാസികയ്ക്ക് നൽകിയ അഭിമുഖത്തിൽ ആയിരുന്നു ലേഖ മകളെക്കുറിച്ച് പറഞ്ഞത്. ‘എനിക്ക് മറച്ചുപിടിക്കാൻ ഒന്നുമില്ല. എല്ലാവർക്കും അറിയാവുന്ന കാര്യമാണ് എനിക്കൊരു മകളുണ്ടെന്നത്. കല്യാണം കഴിഞ്ഞ് അമേരിക്കയിലാണ്. ഞങ്ങൾ ഹാപ്പിയാണ്, അവരും ഹാപ്പി’ – എന്നായിരുന്നു ലേഖ പറഞ്ഞത്.