‘ഒറ്റപ്രസവത്തിൽ മൂന്ന് കുഞ്ഞുങ്ങൾ’ – കുഞ്ഞാവകളെ കൊഞ്ചിച്ചും കളിപ്പിച്ചും ലക്ഷ്മി നായർ

പാചക വീഡിയോകളിലൂടെയും ബ്യൂട്ടി ടിപ്സുകളിലൂടെയും പ്രേക്ഷകരുടെ പ്രിയങ്കരിയാണ് ലക്ഷ്മി നായർ. യുട്യൂബിൽ ലക്ഷ്മി നായർ എന്ന ചാനലിലൂടെ തന്റെ എല്ലാ വിശേഷങ്ങളും അവർ പങ്കുവെക്കാറുണ്ട്. സോഷ്യൽ മീഡിയയിൽ ലക്ഷ്മിയുടെ വീഡിയോകളെല്ലാം വൈറലാണ്. ഏതായാലും പുതിയതായി ലക്ഷ്മി നായർ പങ്കുവെച്ചിരിക്കുന്ന വീഡിയോയിൽ തന്റെ കുടുംബത്തിലെ ട്രിപ്ലെറ്റ്സിനെയാണ് ലക്ഷ്മി നായർ പരിചയപ്പെടുത്തുന്നത്. ലക്ഷ്മി നായരുടെ മകൾ പാർവതിക്ക് ആണ് ഒറ്റപ്രസവത്തിൽ മൂന്ന് കുഞ്ഞുങ്ങൾ പിറന്നത്.

മകൾക്ക് ഒറ്റ പ്രസവത്തിൽ ജനിച്ച മൂന്ന് കൺമണികളുടെയും ചിത്രങ്ങളും വീഡിയോകളുമാണ് ലക്ഷ്മി നായർ പങ്കുവെച്ചിരിക്കുന്നത്. യുവാൻ, വിഹാൻ, ലെയ എന്നിങ്ങനെയാണ് കുഞ്ഞുങ്ങളുടെ പേരുകൾ. അഞ്ചു മാസമാണ് മൂവർ സംഘത്തിന്റെ പ്രായം. ഇവരെ കൂടാതെ, നാലു വയസുകാരനായ ആയുഷ് എന്ന മകനും പാർവതിക്ക് ഉണ്ട്. മകൾക്കും പേരക്കുട്ടികൾക്കുമൊപ്പം മാഞ്ചസ്റ്ററിലാണ് ഇപ്പോൾ ലക്ഷ്മി നായർ ഉള്ളത്.

കുട്ടികളുടെ വിശേഷങ്ങൾ പങ്കുവെച്ചതിനൊപ്പം അവർക്കായി ഒരുക്കിയ മുറിയുടെ വിശേഷങ്ങളും ലക്ഷ്മി നായർ പങ്കുവെച്ചു. മൂവർസംഘത്തിനൊപ്പമുള്ള സന്തോഷനിമിഷങ്ങളും ലക്ഷ്മി നായർ പങ്കുവെക്കുന്നു. ഏതായാലും യുട്യൂബിൽ ട്രെൻഡിങ് ആയി മാറിയിരിക്കുകയാണ് വീഡിയോ. ലക്ഷക്കണക്കിന് ആളുകളാണ് വീഡിയോ കണ്ടിരിക്കുന്നത്.