‘മമ്മൂട്ടിക്കും മോഹൻലാലിനും ശേഷം സൂപ്പർസ്റ്റാർ പദവി ലഭിക്കുക ഒരു നടന് മാത്രം’: തുറന്നുപറഞ്ഞ് ലിബർട്ടി ബഷീർ

മോഹൻലാലും മമ്മൂട്ടിയുമാണ് നിലവിൽ മലയാളസിനിമയുടെ സൂപ്പർസ്റ്റാർ എന്ന് നിലവിൽ അറിയപ്പെടുന്നത്. ഇവർക്ക് ശേഷം ആര് ആയിരിക്കും സൂപ്പർസ്റ്റാർ പദവിയിലേക്ക് എത്തുക എന്നത് പലപ്പോഴും ചർച്ചകൾക്ക് വിധേയമായിട്ടുണ്ട്. എന്നാൽ, പലപ്പോഴും അതിന് കൃത്യമായ ഉത്തരം ലഭിച്ചിട്ടില്ല. നിർമാതാവും ഡിസ്ട്രിബ്യൂട്ടറുമായ ലിബർട്ടി ബഷീർ ഏത് യുവനടനാണ് അതിനുള്ള സാധ്യത എന്ന് തുറന്നു പറയുകയാണ്. മലയാള സിനിമയിൽ മമ്മൂട്ടിക്കും മോഹൻലാലിനും ശേഷം അൽപമെങ്കിലും സൂപ്പർസ്റ്റാർ പദവി ലഭിക്കാൻ സാധ്യതയുള്ളത് ഫഹദ് ഫാസിലിനെന്നാണ് ലിബർട്ടി ബഷീറിന്റെ അഭിപ്രായം.

ഫഹദ് ഫാസിൽ സൂപ്പർസ്റ്റാർ ആകാൻ സാധ്യതയുള്ളതിനെക്കുറിച്ച് ലിബർട്ടി ബഷീർ പറഞ്ഞത് ഇങ്ങനെ, ‘ഇപ്പോഴുള്ള ജനറേഷനിൽ മമ്മൂട്ടിക്കും മോഹൻലാലിനും കിട്ടിയപോലെ സൂപ്പർസ്റ്റാർ പദവിയിലേക്ക് ആരും തന്നെ പോവുകയില്ല. ഞാനടക്കമുള്ള നിർമാതാക്കൾ ഇപ്പോഴും മോഹൻലാലിന്റെയും മമ്മൂട്ടിയുടെയും ഡേറ്റിന് പിന്നാലെയാണ്’ – ലിബർട്ടി ബഷീർ പറഞ്ഞു.

അതേസമയം, ഇപ്പോഴുള്ള യുവതാരങ്ങൾ ഒരുപാട് കാലം സിനിമാമേഖലയിൽ നിലനിൽക്കും എന്നും ലിബർട്ടി ബഷീർ പറഞ്ഞു. ഇപ്പോഴുള്ള യുവതാരങ്ങൾ ഒരുപാട് കാലം സിനിമാമേഖലയിൽ നിലനിൽക്കും. എന്നാൽ, മമ്മൂട്ടിയെയും മോഹൻലാലിനെയും പോലെ സൂപ്പർസ്റ്റാർ പദവിയിലേക്ക് എത്തില്ല എന്ന കാര്യം നൂറു ശതമാനം ഉറപ്പാണ്. മമ്മൂട്ടിയെയും മോഹൻലാലിനെയും പോലെ സൂപ്പർസ്റ്റാർ പദവിയിലേക്ക് എത്താൻ എന്തെങ്കിലും ചെറിയ സാധ്യതയുണ്ടെങ്കിൽ അത് ഫഹദ് ഫാസിലിനാണെന്നും ലിബർട്ടി ബഷീർ വ്യക്തമാക്കി. നിലവിലെ സാഹചര്യത്തിൽ നിർമാതാക്കൾക്കും സംവിധായകർക്കും നൂറു ശതമാനം സേഫ് ആണെന്ന് ഉറപ്പുള്ള നടൻ ഫഹദ് ഫാസിൽ മാത്രമാണെന്നും ലിബർട്ടി ബഷീർ പറഞ്ഞു.