666 നമ്പറുമായി കറുത്ത അംബാസിഡർ കാറിൽ ലൂസിഫർ … ലൂസിഫറിലെ ലാലേട്ടന്റെ കാർ സോഷ്യൽ മീഡിയയിൽ വൈറലാകുന്നു

മോഹന്‍ലാല്‍ ആരാധകരും പ്രഥ്വിരാജ് ആരാധകരും ഏറെ ആകാംക്ഷയോടെ കാത്തിരിക്കുന്ന ലൂസിഫറിന്റെ ഷൂട്ടിംഗ് കഴിഞ്ഞ ദിവസം ആരംഭിച്ചിരുന്നു. മുരളീ ഗോപി തിരക്കഥ രചിച്ച ചിത്രം ഒരു പൊളിറ്റിക്കല്‍ ഡ്രാമയാണെന്ന് അടുത്തിടെ ഒരു അഭിമുഖത്തില്‍ പ്രിഥ്വിരാജ് വ്യക്തമാക്കി. ഒരു താരമെന്ന നിലയിലും നടനെന്ന നിലയിലും മോഹന്‍ലാലിനെ ഉള്‍ക്കൊള്ളുന്ന ചിത്രമാണ് ലൂസിഫറെന്നാണ് അണിയറ പ്രവര്‍ത്തകര്‍ പറയുന്നത്.

ചിത്രത്തിന്റെ ഫസ്റ്റ് ലുക്ക് പോസ്റ്റർ കഴിഞ്ഞ ആഴ്ച പുറത്ത് വിട്ടിരുന്നു.ഇപ്പോൾ ഇതാ ചിത്രത്തിലെ ലാലേട്ടന്റെ ലുക്കും പുറത്ത് വിട്ടിരിക്കുകയാണ്. താടി വെച്ച് മീശ പിരിച്ച മാസ്സ് ലുക്കിലാണ് ലാലേട്ടൻ ചിത്രത്തിൽ ഉള്ളത്

ചിത്രത്തിൽ ലാലേട്ടൻ ഉപയോഗിക്കുന്ന കാറിന്റെ ചിത്രം ഇപ്പോൾ സോഷ്യൽ മീഡിയയിൽ വൈറലാവുകയാണ്.ബ്ലാക്ക്‌ നിറത്തിലുള്ള അംബാസിഡർ കാറിന്റെ നമ്പർ 666 എന്നുള്ളതാണ് എന്നതും ശ്രദ്ധേയമാണ്.ചെകുത്താന്മാരുടെ നമ്പർ ആണ് 666 എന്നാണ് വിശ്വാസം. എന്തായാലും പ്രിത്വിരാജും കൂട്ടരും ഒരുങ്ങി തന്നെയാണ് എന്നുള്ള സൂചനയാണ് ലൊക്കേഷനിൽ നിന്നും ലഭിക്കുന്നത്.

ചിത്രത്തിൽ ഒരു വലിയ താരനിര തന്നെയാണ് ഉള്ളത്. വിവേക് ഒബ്‌റോയ്, ഇന്ദ്രജിത്,ടോവിനോ തുടങ്ങിയവരും ചിത്രത്തിൽ പ്രധാന വേഷങ്ങളിലുണ്ട്. ആന്റണി പെരുമ്ബാവൂര്‍ നിര്‍മിക്കുന്ന ചിത്രത്തില്‍ മഞ്ജു വാര്യരും മമ്ത മോഹൻദാസും ആണ് നായികമാർ.ഇവരെ കൂടാതെ സച്ചിൻ പടേക്കർ,ജോണ് വിജയ്,സായ് കുമാർ, കലാഭവൻ ഷാജോണ്,ആദിൽ ഇബ്രാഹിം,ബൈജു,സാനിയ ഇയ്യപ്പൻ, പാർവതി നായർ,ഷോണ് റോമി വാസുദേവ് ആണ് ചിത്രത്തിനായി ക്യാമറ ചലിപ്പിക്കുന്നത്.

തിരുവനന്തപുരം, കുട്ടിക്കാനം, വണ്ടിപ്പെരിയാര്‍, മുംബൈ എന്നിവിടങ്ങളില്‍ ചിത്രത്തിന് ഷൂട്ടിംഗുണ്ടാകും