മഹാവീര്യറിലെ കോസ്റ്റ്യൂം റിവീൽ ചെയ്ത് അണിയറപ്രവർത്തകർ; ഇത് മലയാളത്തിലെ ആദ്യ ടൈം ട്രാവൽ ഫാന്റസി സിനിമ

മലയാളത്തിലെ ആദ്യ ടൈം ട്രാവൽ സിനിമ പ്രേക്ഷകർക്ക് മുമ്പിലേക്ക് എത്താൻ ഇനി ദിവസങ്ങൾ മാത്രം. റിലീസിന് ദിവസങ്ങൾ മാത്രം ബാക്കി നിൽക്കേ ചിത്രത്തിലെ കോസ്റ്റ്യൂം റിവീൽ ചെയ്തിരിക്കുകയാണ് അണിയറപ്രവർത്തകർ. രണ്ട് കാലഘട്ടങ്ങളിലായി നടക്കുന്ന മലയാളത്തിലെ ആദ്യ ടൈം ട്രാവൽ ഫാന്റസി കോർട്ട്റൂം ഡ്രാമ സിനിമയാണ് മഹാവീര്യർ. ട്രയിലർ ലോഞ്ചിനൊപ്പമാണ് കൊച്ചിയിലെ ഗോകുലം കൺവെൻഷൻ സെന്ററിൽ ചിത്രത്തിലെ കോസ്റ്റ്യം റിവീലും നടന്നത്. ട്രയിലർ ഇറങ്ങിയപ്പോൾ തന്നെ സിനിമയിലെ കഥാപാത്രങ്ങളുടെ വേഷവിധാനങ്ങൾ ഏറെ ശ്രദ്ധ ആകർഷിച്ചിരുന്നു.

സിനിമയുടെ കോസ്റ്റ്യും ഡിസൈനർ കജോൽ ഗാർഗ്‌ ആണ്. പോളി ജൂനിയർ പിക്ചർസ്‌, ഇന്ത്യൻ മൂവി മേക്കർസ് എന്നീ ബാനറുകളിൽ യുവ താരം നിവിൻ പോളി, പി എസ് ഷംനാസ് എന്നിവർ ചേർന്നാണ് മഹാവാര്യർ നിർമ്മിക്കുന്നത്. എബ്രിഡ് ഷൈൻ സംവിധാനം ചെയ്ത ചിത്രം ജൂലൈ 21ന് ലോകമെമ്പാടുമുള്ള തീയറ്ററുകളിൽ പ്രദർശനത്തിന് എത്തും. നിവിൻ പോളി, ആസിഫ് അലി, ലാൽ, ലാലു അലക്സ്, സിദ്ദിഖ്, ഷാൻവി ശ്രീവാസ്തവ, വിജയ് മേനോൻ, മേജർ രവി, മല്ലിക സുകുമാരൻ, സുധീർ കരമന, കൃഷ്ണ പ്രസാദ്, പദ്മരാജൻ രതീഷ്, സുധീർ പറവൂർ, കലാഭവൻ പ്രജോദ്, പ്രമോദ് വെളിയനാട്, ഷൈലജ പി അമ്പു എന്നിവരാണ് ചിത്രത്തിലെ പ്രധാന അഭിനേതാക്കൾ. പ്രശസ്‌ത സാഹിത്യകാരൻ എം മുകുന്ദന്റെ കഥയ്ക്ക് തിരക്കഥ ഒരുക്കി ചലച്ചിത്ര ഭാഷ്യം നൽകിയിരിക്കുന്നത് എബ്രിഡ് ഷൈനാണ്.

കോടതിയും നിയമ വ്യവഹാരങ്ങളും ടൈം ട്രാവലും ഫാന്റസിയും ആണ് ചിത്രത്തിലെ മുഖ്യപ്രമേയം. നർമ്മ – വൈകാരിക മുഹൂർത്തങ്ങൾക്കും ചിത്രം പ്രാധാന്യം നൽകിയിരിക്കുന്നു. സംസ്ഥാന അവാർഡ് ജേതാവായ ചന്ദ്രു സെൽവരാജ് ഛായാഗ്രഹണം നിർവഹിച്ചിരിക്കുന്ന ചിത്രത്തിന് ഇഷാൻ ചാബ്ര സംഗീതവും പശ്ചാത്തല സംഗീതവും ഒരുക്കിയിരിക്കുന്നു. ചിത്രസംയോജനം – മനോജ്‌, ശബ്ദ മിശ്രണം – വിഷ്ണു ഗോവിന്ദ്, ശ്രീ ശങ്കർ, കലാ സംവിധാനം – അനീസ് നാടോടി, വസ്ത്രാലങ്കാരം – ചന്ദ്രകാന്ത്, മെൽവി. ജെ, ചമയം – ലിബിൻ മോഹനൻ, മുഖ്യ സഹ സംവിധാനം – ബേബി പണിക്കർ തുടങ്ങിയവരാണ് മറ്റ് അണിയറ പ്രവർത്തകർ.