മലയാളത്തില്‍ പുതിയ റെക്കോര്‍ഡ് സൃഷ്ടിച്ച് എബ്രിഡ് ഷൈന്‍-നിവിന്‍ പോളി- ആസിഫ് അലി കൂട്ടു കെട്ടില്‍ റിലീസിന് ഒരുങ്ങുന്ന മഹാവീര്യര്‍. ഇതുവരെ ഇറങ്ങിയ മലയാള സിനിമകളുടെ ടീസറുകളില്‍ ഏറ്റവും കൂടുതല്‍ വ്യൂവും ലൈക്കും മഹാവീര്യര്‍ സ്വന്തമാക്കി. 24 മണിക്കൂറില്‍ എഴുപത് ലക്ഷത്തിലധികം പേരാണ് ടീസര്‍ കണ്ടത്. ഇതുവരെ 72,87,345 പേര്‍ ടീസര്‍ കണ്ടു. മൂന്ന് ലക്ഷത്തിലധികം പേരാണ് ടീസര്‍ ലൈക്ക് ചെയ്തത്.
മലയാളത്തില്‍ അടുത്തിടെവരെ ഏറ്റവും കൂടുതല്‍ ആളുകള്‍ കണ്ട ടീസര്‍ ഒമര്‍ ലുലു സംവിധാനം ചെയ്ത അഡാര്‍ ലൗവിന്റേതായിരുന്നു. ഭീഷ്മപര്‍വ്വം പുറത്തിറങ്ങിയതോടെ ആ റെക്കോര്‍ഡ് തിരുത്തപ്പെട്ടു. രണ്ടാഴ്ചകൊണ്ടായിരുന്നു ഭീഷ്മപര്‍വ്വം 50ലക്ഷം കാഴ്ചക്കാരെ സമ്പാദിച്ചത്. എബ്രിഡ് ഷൈന്റെ മഹാവീര്യര്‍ പക്ഷേ 24 മണിക്കൂറിനുള്ളില്‍ ചരിത്രം തിരുത്തിക്കുറിച്ചു.
പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് മഹാവീര്യര്‍. എം. മുകുന്ദന്റെ കഥയുടെ ചലച്ചിത്രാവിഷ്‌കാരമാണ് മഹാവീര്യര്‍. ചിത്രത്തിന്റെ തിരക്കഥയൊരുക്കിയിരിക്കുന്നത് എബ്രിഡ് ഷൈനാണ്. ടൈം ട്രാവലും ഫാന്റസിയും കോടതിയും നിയമ വ്യവഹാരങ്ങളും മുഖ്യ പ്രമേയമായിരിക്കുന്ന ചിത്രം നര്‍മ്മ-വൈകാരിക മുഹൂര്‍ത്തങ്ങള്‍ക്കും പ്രാധാന്യം നല്‍കുന്നുണ്ട്. പോളി ജൂനിയര്‍ പിക്ച്ചേഴ്സിന്റെ ബാനറില്‍ നിവിന്‍ പോളിയും ഇന്ത്യന്‍ മൂവി മേക്കേഴ്സിന്റെ ബാനറില്‍ പി.എസ് ഷംനാസ്സും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.
നിവിനും ആസിഫിനും പുറമേ ലാല്‍, ലാലു അലക്‌സ്, സിദ്ദിഖ്, ഷാന്‍വി ശ്രീവാസ്തവ, വിജയ് മേനോന്‍, മേജര്‍ രവി, മല്ലിക സുകുമാരന്‍, സുധീര്‍ കരമന, കൃഷ്ണ പ്രസാദ്, പദ്മരാജന്‍ രതീഷ്, സുധീര്‍ പറവൂര്‍, കലാഭവന്‍ പ്രജോദ്, പ്രമോദ് വെളിയനാട്, ഷൈലജ പി അമ്പു തുടങ്ങിയവരാണ് മറ്റ് പ്രധാന വേഷങ്ങള്‍ കൈകാര്യം ചെയ്തിരിക്കുന്നത്. സംസ്ഥാന അവാര്‍ഡ് ജേതാവായ ചന്ദ്രു സെല്‍വരാജ് ഛായാഗ്രഹണം നിര്‍വഹിച്ചിരിക്കുന്ന ചിത്രത്തിന് ഇഷാന്‍ ചാബ്ര സംഗീതവും പശ്ചാത്തല സംഗീതവും ഒരുക്കിയിരിക്കുന്നു. ചിത്രസംയോജനം മനോജാണ് നിര്‍വഹിച്ചിരിക്കുന്നത്. ശബ്ദ മിശ്രണം വിഷ്ണു ഗോവിന്ദും ശ്രീ ശങ്കറും ചേര്‍ന്നാണ് നിര്‍വഹിച്ചത്. അനീസ് നാടോടിയാണ് കലാ സംവിധാനം. വസ്ത്രാലങ്കാരം കൈകാര്യം ചെയ്തിരിക്കുന്നത് ചന്ദ്രകാന്തും മെല്‍വിയുമാണ്. ചമയം ലിബിന്‍ മോഹനും മുഖ്യ സഹ സംവിധാനം ബേബി പണിക്കരും നിര്‍വഹിച്ചിരിക്കുന്നു.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…