10 വർഷം മുൻപുള്ള ഫോട്ടോ പങ്ക് വെച്ച് മല്ലിക ഷെരാവത്; സിനിമ ഏതെന്ന് പറയാമോയെന്നും താരം..!

ബോളിവുഡ് ചലച്ചിത്രരംഗത്തെ ഒരു പ്രമുഖ നടിയും, മോഡലുമാണ് മല്ലിക ഷെരാവത്. ചലച്ചിത്ര വേദിയിലേക്കുള്ള മല്ലികയുടെ പ്രവേശനം 2003 ലെ ഖ്വായിഷ് എന്ന ചിത്രത്തിലൂടെയാണ്. പക്ഷേ ശ്രദ്ധേയമായ ഒരു ചിത്രം എന്നു പറയാവുന്നത് 2004 ൽ ഇറങ്ങിയ മർഡർ എന്ന ചിത്രമാണ്. ഹോളിവുഡ് ചിത്രമായ അൺ‌ഫെയ്ത്ഫുൾ എന്ന ചിത്രത്തിന്റെ കഥയെ അടിസ്ഥാനമാക്കിയുള്ള ഒരു ചിത്രമായിരുന്നു ഇത്. മികച്ച നടിക്കുള്ള സീ സിനി അവാർഡ് ഈ ചിത്രത്തിലെ അഭിനയത്തിന് മല്ലികക്ക് ലഭിച്ചു. ആ വർഷത്തെ ഒരു മികച്ച വിജയ ചിത്രമായിരുന്നു ഈ ചിത്രം. ജാക്കി ച്ചാൻ നായകനായ മിത്ത് എന്ന ചിത്രത്തിലും മല്ലിക അഭിനയിച്ചു. 2006 ലെ പ്യാർ കെ സൈഡ് ഇഫക്ട്സ് എന്ന ചിത്രം വളരെയധികം ശ്രദ്ധിക്കപ്പെട്ടു. ഇതും മല്ലികയുടെ സിനിമ ജീവിതത്തിലെ ഒരു ശ്രദ്ധേയമായ ചിത്രമായിരുന്നു. തമിഴിൽ മല്ലിക ഈയിടെ കമലഹാസൻ നായകനായ ദശാവതാരം എന്ന ചിത്രത്തിൽ അഭിനയിച്ചു. മല്ലികയെ ഏഷ്യയിലെ 100 സുന്ദരികളിൽ ഒന്നായി ഹോങ്കോം‌ഗിലെ ഒരു ഫാഷൻ മാഗസിൻ തിരഞ്ഞെടുത്തിട്ടുണ്ട്.

തന്റെ ഇൻസ്റ്റാഗ്രാം അക്കൗണ്ടിൽ നടി പങ്ക് വെച്ച ചിത്രമാണ് ഇപ്പോൾ സോഷ്യൽ മീഡിയ കീഴടക്കിയിരിക്കുന്നത്. പത്ത് വർഷം മുൻപ് 2008ൽ പുറത്തിറങ്ങിയ ‘മാൻ ഗയേ മുഗൾ ഇ അസം’ എന്ന സിനിമയിലെ ചിത്രമാണ് മല്ലിക പങ്ക് വെച്ചിരിക്കുന്നത്. ചിത്രമേതെന്ന് കണ്ടു പിടിക്കാമോ എന്ന ചോദ്യത്തോട് കൂടിയാണ് ബോളിവുഡ് സുന്ദരി ഫോട്ടോ പോസ്റ്റ് ചെയ്‌തിരിക്കുന്നത്‌.