ഞാൻ ഇപ്പോളും വളർന്നുകൊണ്ടിരിക്കുന്ന നടൻ,താരപദവി എന്നിൽ അടിച്ചേല്പിച്ചത്:മമ്മൂട്ടി

അറുപത്തിയേഴാം വയസ്സിലും അഭിനയജീവിതത്തിൽ മികച്ചു നിൽക്കുന്ന ഒരു താരമാണ് മമ്മൂട്ടി. ഈ വിജയത്തിന് കാരണം അദ്ദേഹത്തിന് തൊഴിലിനോടുള്ള ആത്മാർത്ഥതയും ആത്മസമർപ്പണവുമാണ്. മലയാളികളുടെ അഭിമാനം ആണ് ഈ താരം. ഏതു കഥാപാത്രത്തെയും വളരെ എഫ്‌ഫോർട് എടുത്തുകൊണ്ട് ചെയ്യുന്ന അദ്ദേഹം സിനിമയോടുള്ള തന്റെ ആർത്തി മൂലമാണ് അത് എന്ന് പറയുകയുണ്ടായി. ദേശിയ മാധ്യമമായ ഐഎഎന്‍എസിന് നല്‍കിയ അഭിമുഖത്തിൽ താന്‍ ഇപ്പോഴും വളര്‍ന്നുകൊണ്ടിരിക്കുന്ന ഒരു നടനാണെന്നും താരപദവി തന്നിൽ അടിച്ചേൽപ്പിച്ച ഒന്നാണെന്നും അദ്ദേഹം പറഞ്ഞു.

“ഒരു നടനായി നിലനിക്കുന്നതിനേക്കാൾ വ്യത്യസ്തമാണ് ഒരു വ്യക്തിയായി നില നില്കുന്നത്. അത് നമ്മളുടെ വ്യക്തിത്വവും കഥാപാത്രത്തിന്റെ വ്യക്തിത്വവും തമ്മിലുള്ള കലഹമാണ്. നമ്മളുടെ വ്യകതിത്വം മറികടന്നു ചിലപ്പോൾ ഒരു കഥാപാത്രമാകുന്നതിൽ പരാജയപെട്ടുപോകും , അതെനിക്കും സംഭവിക്കാറുണ്ട്.” മമ്മൂട്ടി പറഞ്ഞു. തെറ്റുകൾ കണ്ടെത്തി അത് പരിഹരിച്ച് മുന്നോട്ടു പോകുമ്പോൾ ഒരു നല്ല നടൻ ആകുമെന്നും തനിക്ക് പരാജയങ്ങൾ സംഭവിക്കാറുണ്ട് എന്നും മമ്മൂട്ടി തുറന്നുപറഞ്ഞു