തിയറ്ററുകൾ കീഴടക്കി ക്രിസ്റ്റഫർ, മമ്മൂട്ടി പടം ആദ്യദിവസം തന്നെ ഹൗസ്ഫുൾ, പറഞ്ഞ വാക്ക് ശരിയാണെന്ന് തെളിയിച്ച് മമ്മൂട്ടി

തിയറ്ററുകളിൽ തരംഗം തീർത്ത് മമ്മൂട്ടിയുടെ പുതിയ ചിത്രം ക്രിസ്റ്റഫർ. ആദ്യദിവസം തന്നെ മിക്ക തിയറ്ററുകളിലും ഹൗസ് ഫുൾ ഷോ ആണ് ചിത്രത്തിന്. മമ്മൂട്ടിയെ നായകനാക്കി ബി ഉണ്ണിക്കൃഷ്ണൻ സംവിധാനം ചെയ്യുന്ന ചിത്രത്തിന് അഡ്വാൻസ് ബുക്കിംഗ് ആരംഭിച്ചപ്പോൾ തന്നെ നല്ല പ്രതികരണമായിരുന്നു ലഭിച്ചത്. ചിത്രം റിലീസ് ചെയ്ത ആദ്യദിവസം തന്നെ ചിത്രത്തിന് മികച്ച പ്രതികരണമാണ് തിയറ്ററുകളിൽ നിന്ന് ലഭിക്കുന്നത്. മോഹൻലാൽ നായകനായി എത്തിയ ആറാട്ടിന് ശേഷം ഉദയകൃഷ്ണയും ബി.ഉണ്ണികൃഷ്ണനും ഒന്നിക്കുന്ന ചിത്രം കൂടിയാണ് ക്രിസ്റ്റഫര്‍.

ഈ വർഷത്തെ മമ്മൂട്ടിയുടെ രണ്ടാമത്തെ തിയറ്റർ റിലീസ് ചിത്രമാണ് ക്രിസ്റ്റഫർ. യഥാര്‍ഥ സംഭവത്തെ ആസ്പദമാക്കിയുള്ള ഇന്‍വസ്റ്റിഗേഷന്‍ ത്രില്ലറാണ് ക്രിസ്റ്റഫര്‍. മമ്മൂട്ടി ഒരു പൊലീസ് ഉദ്യോഗസ്ഥന്റെ വേഷത്തിലാണ് ചിത്രത്തില്‍ അഭിനയിക്കുന്നത്. സ്‌നേഹ, അമല പോള്‍, ഐശ്വര്യ ലക്ഷ്മി എന്നിവരാണ് നായികമാരായി എത്തുന്നത്. ചിത്രത്തിന്റെ ടീസറുകള്‍ ഇതിനോടകം ശ്രദ്ധിക്കപ്പെട്ടു കഴിഞ്ഞു.

ബയോഗ്രഫി ഓഫ് എ വിജിലന്റ് കോപ് എന്ന ടൈഗ് ലൈനോടെയാണ് ക്രിസ്റ്റഫർ എത്തുന്നത്. മ്മൂട്ടി കേന്ദ്രകഥാപാത്രമാകുന്ന ക്രിസ്‌റ്റഫറിൽ അമല പോൾ, സ്‌നേഹ, ഐശ്വര്യ ലക്ഷ്‌മി എന്നീ മൂന്ന് നായികമാരാണ് ഉള്ളത്. തെന്നിന്ത്യൻ താരം വിനയ് റായി സുപ്രധാന കഥാപാത്രത്തെ അവതരിപ്പിക്കുന്ന ചിത്രത്തിൽ ദിലീഷ് പോത്തൻ, സിദ്ദിഖ്, ജിനു എബ്രഹാം, വിനീത കോശി, വാസന്തി തുടങ്ങിയവരോടൊപ്പം മുപ്പത്തഞ്ചോളം പുതുമുഖ താരങ്ങളും അണിനിരക്കുന്നുണ്ട്.