“ഞങ്ങൾ ഇനി നിൽക്കണോ പോണോ” !! സോഷ്യൽ മീഡിയ അടക്കി ഭരിച്ച് മമ്മൂട്ടിയുടെ പുതിയ ചിത്രം !! കമന്റുകളും പ്രശംസയുമായി സിനിമാ താരങ്ങൾ

കഴിഞ്ഞ മണിക്കൂറിൽ സോഷ്യൽ മീഡിയ ഒന്നാകെ അടക്കി ഭരിക്കുകയാണ് മമ്മൂട്ടിയുടെ പുതിയ ചിത്രങ്ങൾ. താരം തന്നെ തന്റെ ഇൻസ്റ്റാഗ്രാം അക്കൗണ്ട് വഴിയാണ് ചിത്രം പങ്കുവെച്ചത്. വർക്ക് ഔട്ടിന് ശേഷമുള്ള തന്റെ ചിത്രമാണ് മമ്മൂട്ടി തന്റെ അക്കൗണ്ടിൽ കൂടി പങ്കുവെച്ചത്. നിമിഷ നേരം കൊണ്ട് തന്നെ ഈ ചിത്രങ്ങൾ സോഷ്യൽ മീഡിയയിൽ വൈറലാകുകയാണ്. മലയാള സിനിമയിലെ പ്രമുഖ താരങ്ങളും മമ്മൂക്കയുടെ ഈ ലുക്കിൽ അമ്പരന്നിരിക്കുകയാണ്. താരങ്ങളായ പെപ്പെ, അനു സിത്താര, ഗണപതി, ടോവിനോ തോമസ്, പിഷാരടി, രജിഷാ വിജയൻ, വിജയ് യേശുദാസ്, ആൻസൻ പോൾ, ജോസഫ് അന്നംകുട്ടി, ഷറഫുദ്ദീൻ, ഷിയാസ് കരീം തുടങ്ങിയവർ താരത്തിന്റെ പോസ്റ്റിന്റെ താഴെ കമന്റുകളുമായി എത്തിയിട്ടുണ്ട്. ഫേസ്ബുക്കിൽ മലയാള സിനിമയിലെ ഒട്ടുമിക്ക താരങ്ങളും ചിത്രം ഷെയർ ചെയ്ത് കഴിഞ്ഞു.

വൺ ആണ് മമ്മൂട്ടിയുടെ റിലീസിനൊരുങ്ങുന്ന അടുത്ത ചിത്രം. കേരള മുഖ്യമന്ത്രിയായി ചിത്രത്തിൽ എത്തുന്ന മമ്മൂട്ടിയുടെ കഥാപാത്രത്തിന്റെ പേര് കടക്കൽ ചന്ദ്രൻ എന്നാണ്. ഒരു മുഖ്യമന്ത്രി എങ്ങനെ ആയിരിക്കണം എന്ന ചിന്തയാണ് ഈ ചിത്രം പ്രേക്ഷകർക്ക് മുന്നിൽ എത്തിക്കുന്നത്. ൽ പൂർണ്ണമായും കേരള രാഷ്ട്രീയത്തിന്റെ പശ്ചാത്തലത്തിൽ ഒരുങ്ങുന്ന ഒരു ചിത്രമാണിത്. ബോബി- സഞ്ജയ് ടീം മമ്മൂട്ടിക്ക് വേണ്ടി ആദ്യമായി രചിച്ച തിരക്കഥ എന്ന പ്രത്യേകതയും ഈ ചിത്രത്തിന് വേണ്ടി കാത്തിരിക്കാൻ ആരാധകരെ പ്രേരിപ്പിക്കുന്നു. മമ്മൂട്ടിക്ക് ഒപ്പം മുരളി ഗോപി, ജോജു ജോർജ്, രഞ്ജി പണിക്കർ, വിഷ്ണു ഉണ്ണികൃഷ്ണൻ, ശ്രീനിവാസൻ, മാത്യു തോമസ്, ബാലചന്ദ്ര മേനോൻ, സുദേവ് നായർ, സുരേഷ് കൃഷ്ണ, സലിം കുമാർ, സുധീർ കരമന, ശങ്കർ രാമകൃഷ്ണൻ, അലസിയർ, ശ്യാമ പ്രസാദ്, നന്ദു, മാമുക്കോയ, മേഘനാദൻ, വി കെ ബൈജു, മുകുന്ദൻ, ജയകൃഷ്ണൻ, ജയൻ ചേർത്തല, ബാലാജി ശർമ്മ, വെട്ടുക്കിളി പ്രകാശ്, രശ്മി ബോബൻ, ഗായത്രി അരുൺ, അർച്ചന മനോജ്, പ്രമീള ദേവി, സുബ്ബ ലക്ഷ്മി എന്നിവരും ഈ ചിത്രത്തിൽ എത്തുന്നുണ്ട്.