റോഷാക്കിലെ ദിലീപിനെ ആരാധകർക്ക് മുമ്പിൽ അവതരിപ്പിച്ച് മമ്മൂട്ടി, സസ്പെൻസ് കളഞ്ഞ മമ്മൂക്കയോട് മിണ്ടില്ലെന്ന് ആരാധകർ

ആരാധകർ ഏറെ ആകാംക്ഷയോടെ കാത്തിരുന്ന ചിത്രമായിരുന്നു മമ്മൂട്ടി നായകനായി എത്തിയ റോഷാക്ക്. റിലീസ് ദിവസം തന്നെ മികച്ച അഭിപ്രായം സ്വന്തമാക്കിയ ചിത്രം തിയറ്ററുകളിൽ നിറഞ്ഞ പ്രേക്ഷകർക്ക് മുന്നിൽ പ്രദർശനം തുടരുകയാണ്. ചിത്രത്തിൽ ആസിഫ് അലിയും ഒരു പ്രധാന കഥാപാത്രമായി എത്തിയിരുന്നു. ഇപ്പോൾ ആസിഫ് അലിയുടെ കഥാപാത്രത്തെ ആരാധകർക്ക് മുമ്പിൽ അവതരിപ്പിച്ചിരിക്കുകയാണ് മമ്മൂട്ടി.

റോഷാക്കിൽ ദിലീപ് ആയി എത്തിയ ആസിഫ് അലി എന്ന അടിക്കുറിപ്പോടെയാണ് ആസിഫ് അലിയുടെ കഥാപാത്രത്തിന്റെ ചിത്രം മമ്മൂട്ടി പങ്കുവെച്ചിരിക്കുന്നത്. വളരെ രസകരമായ കമന്റുകളാണ് മമ്മൂട്ടിയുടെ പോസ്റ്റിന് ലഭിച്ചിരിക്കുന്നത്. നമുക്ക് മുന്നേ മനസിലായി, ഇങ്ങള് പറയുകയൊന്നും വേണ്ട എന്നായിരുന്നു ഒരു കമന്റ്. സസ്പെൻസ് കളഞ്ഞ് ഇനി ഞാൻ മിണ്ടൂല, No need of an introduction…. ആ കണ്ണുകൾ മലയാളികൾക്ക് അറിയാം, ആസിഫ് അലി ആണ്‌ എന്നുള്ളതിന് എന്ത് തെളിവാണുള്ളത്, ആസിഫ് അലി ഗസ്റ്റ് റോളിൽ വന്നാൽ ആ പടം ഹിറ്റാണ് ചരിത്രം ആവർത്തിക്കുന്നു എന്നിങ്ങനെ പോകുന്നു കമന്റുകൾ.

കെട്ട്യോളാണെന്റെ മാലാഖ എന്ന ചിത്രത്തിന് ശേഷം നിസാം ബഷീര്‍ സംവിധാനം ചെയ്ത ചിത്രമാണ് റോഷാക്ക്. മമ്മൂട്ടി കമ്പനി തന്നെയാണ് ചിത്രം നിര്‍മിച്ചിരിക്കുന്നത്. ദുല്‍ഖര്‍ സല്‍മാന്റെ ഉടമസ്ഥതയിലുള്ള വേഫെറര്‍ ഫിലിംസാണ് ചിത്രം തീയറ്ററുകളില്‍ എത്തിച്ചിരിക്കുന്നത്. മമ്മൂട്ടി ലൂക്ക് ആന്റണി എന്ന കഥാപാത്രമായാണ് ചിത്രത്തിലെത്തിയിരിക്കുന്നത്. ബിന്ദു പണിക്കര്‍, ഷറഫുദ്ദീന്‍, ഗ്രേസ് ആന്റണി സഞ്ജു ശിവറാം, കോട്ടയം നസീര്‍ തുടങ്ങി വന്‍താരനിരയാണ് ചിത്രത്തില്‍ അണിനിരക്കുന്നത്. അഡ്വേഞ്ചേഴ്സ് ഓഫ് ഓമനക്കുട്ടന്‍, ഇബ്ലീസ് എന്നീ ചിത്രങ്ങള്‍ക്ക് തിരക്കഥ ഒരുക്കിയ സമീര്‍ അബ്ദുളാണ് തിരക്കഥ ഒരുക്കിയിരിക്കുന്നത്. ബാദുഷയാണ് പ്രൊജക്ട് ഡിസൈനര്‍. കിരണ്‍ ദാസ് ചിത്രസംയോജനവും മിഥുന്‍ മുകുന്ദന്‍ സംഗീത സംവിധാനവും നിര്‍വഹിക്കുന്നു. കലാസംവിധാനം-ഷാജി നടുവില്‍, പ്രൊഡക്ഷന്‍ കണ്‍ട്രോളര്‍-പ്രശാന്ത് നാരായണന്‍, ചമയം -റോണക്‌സ് സേവ്യര്‍ ആന്‍സ് എസ്സ് ജോര്‍ജ്, വസ്ത്രാലങ്കാരം -സമീറ സനീഷ്, പിആര്‍ഒ -പ്രതീഷ് ശേഖര്‍, ഡിജിറ്റല്‍ മാര്‍ക്കറ്റിംഗ്-അനൂപ് സുന്ദരന്‍, വിഷ്ണു സുഗതന്‍ എന്നിവരാണ് മറ്റ് അണിയറപ്രവര്‍ത്തകര്‍.