വാപ്പച്ചിയുടെ ഏതെങ്കിലും ഒരു സിനിമയിൽ ഞാൻ ചുമ്മാ ഒന്ന് മുഖം കാണിച്ചോട്ടെ? ദുൽഖറിന് മാസ്സ് മറുപടിയേകി മമ്മൂക്ക

പ്രേക്ഷകരുടെ പ്രിയ യുവതാരം ദുൽഖർ സൽമാനും മമ്മൂക്കയും ഒന്നിച്ചൊരു സിനിമക്കായി പ്രേക്ഷകർ ആകാംക്ഷയോടെ കാത്തിരിക്കുകയാണ്. അങ്ങനെ ഒരു ചിത്രം എത്തിയാൽ അത് മലയാള സിനിമയേയും പ്രേക്ഷകരേയും സംബന്ധിച്ചിടത്തോളം ആഘോഷത്തിന്റെ ഒരു ദിനം തന്നെയായിരിക്കും. ആരാധകരുടെ ആ വലിയ കാത്തിരിപ്പിനെ സംബന്ധിച്ച് നടൻ ദുൽഖർ സൽമാൻ തന്നെ മറുപടി നൽകിയിരിക്കുകയാണ്. ഫ്ലാഷ് മൂവീസിന് നൽകിയ അഭിമുഖത്തിലാണ് ദുൽഖർ അദ്ദേഹവും മമ്മൂട്ടിയും ഒന്നിച്ചഭിനയിക്കുന്ന ചിത്രം എന്നുണ്ടാകും എന്നതിനെക്കുറിച്ച് തുറന്നു പറഞ്ഞത്.

അത്തരത്തിൽ ഒരു സിനിമയ്ക്കുവേണ്ടി ആഗ്രഹിക്കുന്നുണ്ട്, വാപ്പച്ചിയുടെ ഏതെങ്കിലുമൊരു ചിത്രത്തിൽ ഞാൻ ഒന്ന് ചുമ്മാ വന്ന് പൊയ്ക്കോട്ടെ എന്ന് ഇടയ്ക്ക് ഞാൻ ചോദിക്കാറുള്ളതാണ്. എന്നാൽ ‘എനിക്ക് നിന്റെ ഒന്നും സഹായം വേണ്ട എന്നാണ് അദ്ദേഹം മറുപടി നൽകാറുള്ളതെന്ന് ദുൽഖർ പറയുന്നു. ദുൽഖർ മമ്മൂട്ടിയും എന്നാണ് ഒന്നിക്കുന്നത് എന്ന ചോദ്യത്തിന് സമീപകാലത്ത് മമ്മൂട്ടി വ്യക്തമായ മറുപടിയൊന്നും നൽകിയതുമില്ല. ബിലാൽ എന്ന മമ്മൂട്ടി ചിത്രത്തിൽ ദുൽഖർ സൽമാൻ ഒരു പ്രധാന കഥാപാത്രമായി എത്തുന്നു എന്ന തരത്തിലുള്ള വാർത്തകൾ സമൂഹമാധ്യമങ്ങൾ മുമ്പ് പ്രചരിച്ചിരുന്നു. കൂടാതെ പല ചിത്രങ്ങളിലും ദുൽഖറും മമ്മൂട്ടിയും ഒന്നിക്കുന്ന തരത്തിലുള്ള പല ഗോസിപ്പുകളും സമൂഹമാധ്യമങ്ങൾ നിറയാറുണ്ട്. എന്നാൽ നാളിതുവരെയായി ആരാധകരുടെ കാത്തിരിപ്പ് നീണ്ടു പോകുന്നതാണ് കാണാൻ കഴിയുന്നത്.