ജനത കർഫ്യൂവിന് പൂർണ പിന്തുണ നൽകി മമ്മൂട്ടി; വീഡിയോ പങ്കുവെച്ച് താരം

കൊറോണ വൈറസ് ലോകമെമ്പാടും പടർന്നു പിടിച്ചിരിക്കുന്ന ഈ സാഹചര്യത്തിൽ ജനത കർഫ്യു ആചരിക്കുവാൻ നരേന്ദ്രമോദി പ്രഖ്യാപിച്ചപ്പോൾ പൂർണ്ണ പിന്തുണ നൽകി നിരവധി താരങ്ങൾ രംഗത്തെത്തിയിരുന്നു. ഇപ്പോൾ പ്രധാനമന്ത്രിക്ക് പിന്തുണ നൽകിക്കൊണ്ട് നടൻ മമ്മൂട്ടി രംഗത്തെത്തിയിരിക്കുകയാണ്. കോറോണയുടെ വ്യാപനത്തെ തടയുവാൻ എല്ലാവർക്കും ഒറ്റക്കെട്ടായി നിന്നു മുന്നേറാം എന്ന് മമ്മൂട്ടി ഫെയ്സ്ബുക്കിൽ പങ്കുവെച്ച വീഡിയോയിൽ പറയുന്നു.

വകതിരിവില്ലാതെ കടന്നുവരുന്ന കോറോണക്ക് ഇതുവരെ മരുന്ന് കണ്ടുപിടിച്ചിട്ടില്ല എന്നും ഞാനും നിങ്ങളും ഒന്നും സുരക്ഷിതരല്ല എന്നും മുഖ്യ മന്ത്രിയും പ്രധാനമന്ത്രിയും പ്രഖ്യാപിച്ച ജനത കർഫ്യുവിൽ നിങ്ങളോടൊപ്പം ഞാനും ഒറ്റക്കെട്ടായി ഉണ്ടാകുമെന്നും മമ്മൂട്ടി വീഡിയോയിലൂടെ പറയുന്നു. ശ്രീകുമാരൻ തമ്പി, കമൽ ഹാസൻ, അനുഷ്ക ശർമ, ഷാരൂഖ് ഖാൻ, അമിതാഭ് ബച്ചൻ, ഹൃത്വിക് റോഷൻ, അക്ഷയ് കുമാർ, ജയസൂര്യ, ഉണ്ണിമുകുന്ദൻ, അജു വർഗീസ്, സൈജു കുറുപ്പ് തുടങ്ങി നിരവധി താരങ്ങളാണ് ഇതിനോടകം കർഫ്യൂ പിന്തുണച്ച് രംഗത്തെത്തിയത്.