ഇച്ചാക്കയ്ക്ക് ഒപ്പം ലാലു, ചിത്രം ഏറ്റെടുത്ത് ആരാധകർ!

മലയാള സിനിമയിലെ താരരാജാക്കന്മാരായ മമ്മൂട്ടിയും മോഹൻലാലും ഒന്നിച്ചുള്ള ഫോട്ടോകൾക്കും വീഡിയോകൾക്കും എന്നും മികച്ച സ്വീകാര്യതയാണ് ആരാധകരുടെ ഭാഗത്ത് നിന്ന് ലഭിക്കാറുള്ളത്. ഇപ്പോൾ അത്തരത്തിൽ ഒരു ചിത്രം ആണ് ഇന്നലെ മുതൽ സോഷ്യൽ മീഡിയയിൽ ശ്രദ്ധ നേടുന്നത്. മമ്മൂട്ടിയും മോഹൻലാലും ഒന്നിച്ച് നിൽക്കുന്ന ചിത്രം ആണ് ആരാധകർ ഏറ്റെടുത്തിരിക്കുന്നത്.

മോഹൻലാൽ ആണ് ഈ ചിത്രം തന്റെ ഫേസ്ബുക് പേജിലൂടെ ആരാധകരുമായി പങ്കുവെച്ചത്. ചിത്രത്തിനൊപ്പം ഇച്ചാക്ക എന്ന അടിക്കുറുപ്പാണ് താരം നൽകിയിരിക്കുന്നത്. ചിത്രം ആരാധകർ ഏറ്റെടുത്ത് കഴിഞ്ഞു. എന്ത് രഹസ്യം ആണ് രണ്ടാളും കൂടി പറയുന്നത് എന്നാണു കൂടുതൽ ആരാധകരും ചോദിക്കുന്നത്. മ്മൂക്കയുടെ പുതിയ വീട്ടിൽ എത്തിയ ലാലേട്ടന്റെ ചിത്രങ്ങൾ ആണിത്.

നിർമ്മാതാവ് ആന്റണി പെരുമ്പാവൂരിന്റെ മകളുടെ വിവാഹാഘോഷങ്ങളിൽ ഇരുവരും ഒന്നിച്ചെത്തിയ ചിത്രങ്ങളും ആരാധകർ ഇരുകൈകളും നീട്ടിയാണ് സ്വീകരിച്ചത്.