മലയാളത്തിന്റെ പ്രിയതാരം മമ്മൂട്ടി സിനിമയിലെത്തിയിട്ട് ഇന്ന് അമ്പതു വര്‍ഷം തികയുകയാണ്. മലയാള സിനിമാ ലോകം അദ്ദേഹത്തിന് ആശംസകള്‍ നേര്‍ന്നു കൊണ്ട് ഇന്നേ ദിവസം സോഷ്യല്‍ മീഡിയയില്‍ നിറയുകയാണ്. 1971 ഇല്‍ റിലീസ് ചെയ്ത അനുഭവങ്ങള്‍ പാളിച്ചകള്‍ എന്ന ചിത്രത്തില്‍ ജൂനിയര്‍ ആര്‍ടിസ്റ്റായി എത്തിയ മമ്മൂട്ടി പിന്നീട് ഒന്‍പതു വര്‍ഷത്തിനു ശേഷമാണ് ഒരു മലയാള ചിത്രത്തില്‍ അഭിനയിക്കുന്നത്. പിന്നീട് സഹനടന്‍ ആയും നായകന്‍ ആയും തിളങ്ങിയ മമ്മൂട്ടി മലയാള സിനിമ കണ്ട വലിയ താരങ്ങളില്‍ ഒരാളായും മികച്ച നടന്മാരില്‍ ഒരാളായും മാറി.
മികച്ച നടനുള്ള മൂന്നു ദേശീയ അവാര്‍ഡുകളും അഞ്ചു സംസ്ഥാന അവാര്‍ഡുകളും നേടിയിട്ടുണ്ട് താരം. ഇപ്പോഴിതാ മമ്മൂട്ടി എന്ന നടന്റെ ജീവിതകഥ സിനിമയാക്കാന്‍ ഒരുങ്ങുകയാണ് പ്രശസ്ത സംവിധായകന്‍ ജൂഡ് ആന്റണി ജോസഫ്. മമ്മൂട്ടിയുടെ ആത്മകഥയെ അടിസ്ഥാനമാക്കി ഒരുക്കിയ തിരക്കഥയില്‍ യുവ താരം നിവിന്‍ പോളി ആണ് മമ്മൂട്ടിയായി എത്തുക. മമ്മൂട്ടി സമ്മതിച്ചാല്‍ അത് സിനിമയായി എത്തുമെന്നും ജൂഡ് ആന്റണി ജോസഫ് പറഞ്ഞു. അച്ഛന്റെ വേഷം മകന്‍ അഭിനയിക്കുന്നതിനേക്കാള്‍ നല്ലതു വേറെ ഒരു നടന്‍ ചെയ്യുന്നതാണ് എന്ന് തോന്നിയത് കൊണ്ടാണ് മമ്മൂട്ടിയുടെ വേഷം അഭിനയിക്കാന്‍ ദുല്‍ഖര്‍ സല്‍മാനെ സമീപിക്കാതിരുന്നതെന്ന് ജൂഡ് പറഞ്ഞു. കടുത്ത മമ്മൂട്ടി ഫാന്‍ ആയ നിവിന്‍ തന്നെയാണ് ഇത് സിനിമ ആക്കാന്‍ തന്നോട് ആവശ്യപ്പെട്ടതെന്നും ജൂഡ് വെളിപ്പെടുത്തി.
നേരത്തേ നക്ഷത്രങ്ങളുടെ രാജകുമാരന്‍ എന്ന ഹൃസ്വ ചിത്രം ജൂഡ് ആന്റണി ജോസഫ് ഒരുക്കിയിരുന്നു. തന്റെ ആദ്യ ചിത്രമായിരുന്ന ഓം ശാന്തി ഓശാനക്ക് മുന്‍പേ താന്‍ പ്ലാന്‍ ചെയ്ത ചിത്രമായിരുന്നു മമ്മൂട്ടിയുടെ ബയോപിക് എന്നും ജൂഡ് പറയുന്നു. സാറാസ് ആണ് ജൂഡിന്റെ അവസാനമിറങ്ങിയ ചിത്രം. 2403 ഫീറ്റ് എന്ന ചിത്രമാണ് അടുത്തതായി ജൂഡ് സംവിധാനം ചെയ്യുന്നത്. കേരളത്തിലുണ്ടായ പ്രളയത്തെ ആസ്പദമാക്കി ഒരുക്കുന്ന ചിത്രമാണിത്. പണിപ്പുരയില്‍ ആണ്.
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…
ജനപ്രിയ നായകൻ ദിലീപ് നായകനായി എത്തുന്ന പുതിയ ചിത്രം 'പവി കെയർ ടേക്കർ' ട്രയിലർ റിലീസ് ചെയ്തു. ഹാസ്യവും അതിനൊപ്പം…
സൂപ്പർ ഹിറ്റ് ആയിരുന്ന രാമലീല എന്ന ചിത്രത്തിന് ശേഷം ദിലീപിന് ഒപ്പം വീണ്ടും നടി രാധിക ശരത് കുമാർ. വിനീത്…