പ്രമുഖ ബോളിവുഡ് അഭിനേത്രി മന്ദിര ബേദിയുടെ വളര്‍ത്തു മകള്‍ക്ക് നേരെ അതി രൂക്ഷമായ സൈബര്‍ ആക്രമണം. മന്ദിര ബേദിയും ഭര്‍ത്താവും 2020 ജൂലൈ 28 നാണ് താര എന്ന പെണ്‍കുട്ടിയെ ദത്തെടുത്തത്. പക്ഷെ ഇപ്പോള്‍ സോഷ്യല്‍ മീഡിയയിലൂടെ മകളുടെ നിറവും മറ്റും കാരണങ്ങളും ഉയർത്തി ആക്ഷേപിക്കുകയാണ് ചിലര്‍. ‘തെരുവിലെ കുഞ്ഞ്’, ‘സ്ലംഡോഗ്’ എന്നൊക്കെയാണ് കമന്റുകള്‍. ഈ സംഭവം ശ്രദ്ധിക്കപ്പെട്ടതോടെ മന്ദിര തന്നെ വളരെ ശക്തമായി പ്രതികരണവുമായി രംഗത്തെത്തിയിരിക്കുകയാണ്.
ഈ വിഷയം വിട്ടുകളയൂ എന്ന് പല സുഹൃത്തുക്കളും നല്ല രീതിയിൽ ഉപദേശിച്ചെങ്കിലും തന്റെ മകളെക്കുറിച്ച് ഒരു കാരണവുമില്ലാതെ അനാവശ്യം പറയുന്നത് കേട്ടാല്‍ ചോര തിളയ്ക്കും എന്ന് മന്ദിര പറയുന്നു. ഇത്തരത്തില്‍ അധിക്ഷേപം നടത്തിയ ഒരാളുടെ അക്കൗണ്ട് സൈബര്‍ സെല്‍ വഴി പൂട്ടിച്ച കാര്യവും മന്ദിര പറഞ്ഞു. വളരെ രൂക്ഷമായ ഭാഷയില്‍ ചില പോസ്റ്റുകള്‍ക്ക് മന്ദിര മറുപടി നല്‍കുകയും ചെയ്‌തു.
നാല് വയസ്സും ഏതാനും മാസങ്ങളും മാത്രം പ്രായമുള്ളപ്പോഴാണ് മന്ദിര കുഞ്ഞിനെ ദത്തെടുത്തത്. മകള്‍ ഒപ്പം വന്നിട്ട് കുറച്ചു നാള്‍ ആയിട്ടുള്ളുവെങ്കിലും, പക്ഷെ ഓരോ ദിവസവും അവള്‍ തന്നെ സ്നേഹം കൊണ്ട് പൊതിയുന്നു. അവളെ ജീവിതത്തില്‍ ഒപ്പം കൊണ്ടുവന്നതോര്‍ത്ത് അഭിമാനിക്കുന്നു എന്നും മന്ദിര കുറിക്കുന്നു. മന്ദിരയ്ക്കും രാജ് കൗശലിനും വീര്‍ എന്നൊരു മകനുണ്ട്
