‘ഗുണ്ടജയന്റെ’ പെണ്ണുങ്ങളെ പരിചയപ്പെടുത്തി മഞ്ജു വാര്യർ

തമാശകണ്ട് മതിമറന്ന് ചിരിക്കാൻ കാത്തിരിക്കുന്നവർക്കായി എത്തുന്ന സിനിമയാണ് ‘ഉപചാരപൂർവം ഗുണ്ടജയൻ’. ‘കണ്ടോളൂ, ചിരിച്ചോളൂ, പക്ഷേ പഴേ ഗുണ്ടകളെ കളിയാക്കരുതേ’ എന്ന ടാഗ് ലൈനോടു കൂടിയാണ് സിനിമയുടെ പോസ്റ്റർ. സൈജു കുറുപ്പിനെ നായകനാക്കി അരുൺ വൈഗയാണ് ചിത്രം സംവിധാനം ചെയ്യുന്നത്. ചിത്രത്തിലെ ‘ഗുണ്ട ഗുണ്ട ഗുണ്ട ജയൻ’ എന്ന ഗാനം കഴിഞ്ഞദിവസം ആയിരുന്നു യുട്യൂബിൽ റിലീസ് ആയത്. വൻ വരവേൽപ്പ് ആയിരുന്നു ആ ഗാനത്തിന് പ്രേക്ഷകർ നൽകിയത്. ഇപ്പോൾ ഇതി ചിത്രത്തിലെ പെൺ കഥാപാത്രങ്ങളെ പരിചയപ്പെടുത്തുകയാണ് നടി മഞ്ജു വാര്യർ. തന്റേ ഫേസ്ബുക്ക് പോസ്റ്റിലൂടെയാണ് മഞ്ജു വാര്യർ ഗുണ്ടജയനിലെ പെൺ കഥാപാത്രങ്ങളെ പരിചയപ്പെടുത്തിയത്.

‘ഗുണ്ടജയന്റെ മുഴുവൻ ടീമിനും വേണ്ടി ഈ പോസ്റ്റർ പുറത്തിറക്കുന്നതിൽ സന്തോഷമുണ്ട്. പ്രിയ സൈജുവിനും മുഴുവൻ ടീമിനും ആശംസകൾ!’ – പോസ്റ്റർ പങ്കുവെച്ചു കൊണ്ട് മഞ്ജു വാര്യർ കുറിച്ചു. സംവിധാകയൻ അരുൺ വൈഗയും സൈജു കുറുപ്പും താരത്തിന് നന്ദി അറിയിച്ചു കൊണ്ട് കമന്റ് ബോക്സിൽ എത്തി. കുറുപ്പ് എന്ന ബ്ലോക്ക്ബസ്റ്റർ ചിത്രത്തിന്റെ വിജയത്തിന് ശേഷം യുവതാരം ദുൽഖർ സൽമാൻ നിർമ്മിച്ച ചിത്രമാണ് ഗുണ്ടജയൻ എന്ന പ്രത്യേകത കൂടിയുണ്ട്. വേഫെയര്‍ ഫിലിംസിന്റെ ബാനറില്‍ ദുല്‍ഖര്‍ സല്‍മാനും മൈ ഡ്രീംസ് എന്റര്‍ടൈന്‍മെന്റിന്റെ ബാനറില്‍ സെബാബ് ആനിക്കാടും ചേർന്നാണ് ചിത്രം നിർമ്മിച്ചിരിക്കുന്നത്. ഫെബ്രുവരി ഇരുപത്തിയഞ്ചിനാണ്‌ ചിത്രം റിലീസ് ചെയ്യുന്നത്.

ക്യാറ – എൽദോ ഐസക്, എഡിറ്റിംഗ് – കിരൺ ദാസ്. ചിത്രത്തിലെ മറ്റു ഗാനങ്ങൾക്ക് ഈണം പകർന്നിരിക്കുന്നത് ബിജിപാൽ ആണ്. ഒരു പക്കാ കോമഡി എന്റെർറ്റൈനെർ ആയി ഒരുക്കിയിരിക്കുന്ന ഈ ചിത്രം പ്രേക്ഷകരെ ആദ്യവസാനം ചിരിപ്പിക്കുന്ന ഒരു സിനിമാനുഭവം ആയിരിക്കുമെന്നാണ് അണിയറ പ്രവർത്തകർ അവകാശപ്പെടുന്നത്.