അഭിനേത്രി എന്നതിന് അപ്പുറത്തേക്ക് മലയാളി പ്രത്യേക സ്നേഹവും ഇഷ്ടവും കാത്തു സൂക്ഷിക്കുന്ന നടിയാണ് മഞ്ജു വാര്യർ. കഴിഞ്ഞദിവസം മഞ്ജു വാര്യർ ദുബായിൽ എത്തിയത് സോഷ്യൽ മീഡിയയിൽ വൈറലായിരുന്നു. ദുബായിൽ ഇന്ത്യൻ കോഫി ഹൗസിന്റെ ഉദ്ഘാടനത്തിന് ആയിരുന്നു മഞ്ജു വാര്യർ എത്തിയത്. ഇതിന്റെ ചിത്രങ്ങൾ സോഷ്യൽ മീഡിയയിൽ വൈറലായിരുന്നു. ആരാധകരോട് കുശലം പറഞ്ഞും അവർക്കൊപ്പം സെൽഫിയെടുത്തും യാതൊരു ജാഡയുമില്ലാത്ത മഞ്ജു വാര്യരുടെ ചിത്രങ്ങളായിരുന്നു വൈറലായത്. കുറച്ച് വ്യത്യസ്തമായ ലുക്കിലായിരുന്നു മഞ്ജു വാര്യർ ഇന്ത്യൻ കോഫി ഹൗസിന്റെ ഉദ്ഘാടനത്തിന് എത്തിയത്. മുടി പോണിടെയിൽ കെട്ടി എത്തിയ ആരാധകരുടെ പ്രിയതാരം എല്ലാവരോടും ചിരിച്ച് വളരെ സൗഹാർദപരമായിട്ട് ആയിരുന്നു ഇടപെട്ടത്. നൂറുകണക്കിന് ആളുകളായിരുന്നു മഞ്ജു വാര്യരെ കാണാനും വിശേഷങ്ങൾ അറിയാനും എത്തിയത്.
ഏതായാലും ദുബായിൽ ഇന്ത്യൻ കോഫി ഹൗസിന്റെ ഉദ്ഘാടനത്തിന് എത്തിയപ്പോൾ പകർത്തിയ ചിത്രങ്ങളാണ് ഇപ്പോൾ സോഷ്യൽ മീഡിയയിൽ പങ്കു വെച്ചിരിക്കുന്നത്. ‘നിങ്ങൾ നിങ്ങളോട് തന്നെ സംസാരിക്കുന്നത് വളരെ പ്രധാനമാണ്’ എന്ന അടിക്കുറിപ്പോടെ ആയിരുന്നു ചിത്രങ്ങൾ പങ്കുവെച്ചത്. മൂന്നു ചിത്രങ്ങളാണ് സോഷ്യൽമീഡിയയിൽ താരം പങ്കുവെച്ചത്. നിരവധി പേരാണ് ചിത്രത്തിന് ലൈക്കും കമന്റുമായി എത്തിയിട്ടുള്ളത്. രമേഷ് പിഷാരടി, ശിവദ, നവ്യ നായർ, അഞ്ജലി മേനോൻ, രചന നാരായണൻകുട്ടി തുടങ്ങി നിരവധി താരങ്ങളാണ് ഫോട്ടോകൾ മനോഹരമാണെന്ന് പറഞ്ഞ് കമന്റ് ബോക്സിൽ എത്തിയത്.
സ്കൂൾ കലോത്സവ വേദികളിലെ താരമായി, കലാതിലകമായി പിന്നീട് സിനിമയിലെത്തി തന്റേതായ ഇടം കണ്ടെത്തിയ നടിയാണ് മഞ്ജു വാര്യർ. തൊണ്ണൂറുകളുടെ പകുതിയോടെ സിനിമയിലെത്തിയ മഞ്ജു വാര്യർ 1995ൽ പുറത്തിറങ്ങിയ സാക്ഷ്യം എന്ന സിനിമയിലൂടെയാണ് ആദ്യമായി വെള്ളിത്തിരയിൽ എത്തിയത്. നായികയായി അരങ്ങേറിയത് സല്ലാപം എന്ന ചിത്രത്തിലൂടെയാണ്. എണ്ണം പറഞ്ഞ ചിത്രങ്ങളിൽ അഭിനയിച്ച് നടിയെന്ന നിലയിൽ കൃത്യമായ അടയാളപ്പെടുത്തൽ നടത്തിയെങ്കിലും വിവാഹശേഷം 14 വർഷത്തോളം സിനിമയിൽ നിന്ന് മാറി നിന്ന നടിയാണ് മഞ്ജു വാര്യർ. ഹൗ ഓൾഡ് ആർ യു എന്ന ചിത്രത്തിലൂടെ രണ്ടാം തിരിച്ചുവരവ് നടത്തിയപ്പോൾ പ്രേക്ഷകർ അതിനെ ഇരു കൈയും നീട്ടി സ്വീകരിക്കുകയും ചെയ്തു.
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…
ജനപ്രിയ നായകൻ ദിലീപ് നായകനായി എത്തുന്ന പുതിയ ചിത്രം 'പവി കെയർ ടേക്കർ' ട്രയിലർ റിലീസ് ചെയ്തു. ഹാസ്യവും അതിനൊപ്പം…
സൂപ്പർ ഹിറ്റ് ആയിരുന്ന രാമലീല എന്ന ചിത്രത്തിന് ശേഷം ദിലീപിന് ഒപ്പം വീണ്ടും നടി രാധിക ശരത് കുമാർ. വിനീത്…
യുവനടൻമാരായ ധ്യാൻ ശ്രീനിവാസൻ, പ്രണവ് മോഹൻലാൽ, നിവിൻ പോളി എന്നിവരെ നായകരാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക്…