കൊച്ചി കോർപ്പറേഷന്റെ ജനകീയ ഹോട്ടൽ ഉദ്ഘാടനം ചെയ്യാനെത്തിയ നടി മഞ്ജു വാര്യർ ആണ് ഇപ്പോൾ സോഷ്യൽ മീഡിയയിൽ താരം. ലളിതമായ അതേസമയം ട്രെൻഡി വേഷത്തിൽ ഉദ്ഘാടന ചടങ്ങിന് എത്തിയ താരം ഹോട്ടലിലെ കുടുംബശ്രീ അംഗങ്ങൾക്കൊപ്പം വിശേഷം പങ്കുവെയ്ക്കുകയും സെൽഫിയെടുക്കുകയും എല്ലാം ചെയ്തു. ഏതായാലും ജനകീയ ഹോട്ടലിനൊപ്പം സോഷ്യൽ മീഡിയയിൽ വൈറലായി മാറിയിരിക്കുകയാണ് ജനകീയ ഹോട്ടലിന്റെ ഉദ്ഘാടന ചടങ്ങും. പത്തു രൂപയ്ക്ക് ഊണു ലഭിക്കുന്നു എന്നതാണ് ഈ ജനകീയ ഹോട്ടലിനെ ശ്രദ്ധേയമാക്കുന്നത്. സോഷ്യൽ മീഡിയയിൽ ഇതിനകം തന്നെ കൊച്ചി കോർപ്പറേഷന്റെ ജനകീയ ഹോട്ടൽ ഹിറ്റായി കഴിഞ്ഞു. വിശപ്പടക്കുക എന്നതാണ് ഏറ്റവും മനോഹരമായ കാര്യമമെന്ന് മഞ്ജു വാര്യർ ജനകീയ ഹോട്ടൽ ഉദ്ഘാടനം ചെയ്തു കൊണ്ട് പറഞ്ഞു.
ജനകീയ ഹോട്ടൽ ഉദ്ഘാടനം ചെയ്യാനെത്തിയ താരം ഹോട്ടലിലെ ജീവനക്കാരായ കുടുംബശ്രീ അംഗങ്ങൾക്കൊപ്പം സെൽഫിയെടുത്തു. അവരുമായി വിശേഷങ്ങൾ പങ്കു വെയ്ക്കുകയും ചെയ്തു. കൊച്ചി കോർപറേഷൻ മേയറും മഞ്ജു വാര്യർക്ക് ഒപ്പമുണ്ടായിരുന്നു. പത്തു രൂപയുടെ ഊണിൽ ചോറ്, സാമ്പാർ, മറ്റ് രണ്ട് കറികൾ, അച്ചാർ എന്നിവയാണ് ഉള്ളത്. പാഴ്സലായി ഊണ് ലഭിക്കുന്നതിന് 15 രൂപയാണ് ചാർജ്. കുറഞ്ഞ നിരക്കിൽ മീൻ വറുത്തത് ഉൾപ്പെടെയുള്ള സ്പെഷ്യൽ വിഭവങ്ങളും ലഭ്യമാക്കും.
അതേസമയം, അടുത്ത മാസം മുതൽ കുറഞ്ഞ നിരക്കിൽ പ്രഭാത ഭക്ഷണവും അത്താഴവും ലഭ്യമാക്കുമെന്ന് കൊച്ചി മേയർ വ്യക്തമാക്കി. 20 രൂപ നിരക്കിൽ ആയിരിക്കും അടുത്ത മാസം മുതൽ ആയിരിക്കും പ്രഭാതഭക്ഷണവും അത്താഴവും ലഭ്യമാക്കുക. ആദ്യഘട്ടത്തിൽ 1500 പേർക്കുള്ള ഭക്ഷണമാണ് തയ്യാറാക്കുക. പിന്നീട് ഇത് 3000 പേർക്ക് നൽകാനാവുന്ന വിധത്തിലേക്ക് വർദ്ധിപ്പിക്കും. നോർത്ത് പരമാര റോഡിൽ കോർപറേഷന്റെ ഉടമസ്ഥതയിലുള്ള കെട്ടിടത്തിലാണ് ഹോട്ടൽ പ്രവർത്തിക്കുക. ആധുനിക രീതിയിൽ തയ്യാറാക്കിയതാണ് ഇവിടുത്തെ കേന്ദ്രീകൃത അടുക്കള. ഇതിന് ആവശ്യമായ 20 ലക്ഷം രൂപയുടെ ഉപകരണങ്ങൾ മുത്തൂറ്റ് ഫിനാൻസ് ഗ്രൂപ്പിന്റെ സി എസ് ആർ ഫണ്ട് വഴിയാണ് ലഭ്യമാക്കിയത്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…