ഒരു ചെറിയ ഇടവേളയ്ക്ക് ശേഷം നടി മീര ജാസ്മിൻ വീണ്ടും ക്യാമറയ്ക്ക് മുന്നിലെത്തി. വിജയദശമി ദിനത്തിലാണ് നടി ക്യാമറയ്ക്ക് മുന്നിലെത്തിയത്. സത്യൻ അന്തിക്കാട് ചിത്രത്തിലൂടെയാണ് മീര ജാസ്മിൻ വീണ്ടും വെള്ളിത്തിരയിലേക്ക് എത്തുന്നത്. മീര ജാസ്മിൻ എത്തിയപ്പോൾ വളരെ ആവേശത്തോടെയാണ് അവരെ സെറ്റിലുള്ളവർ സ്വീകരിച്ചത്. സെറ്റിലേക്ക് എത്തിയ മീര ജാസ്മിനെ ഒരു മകളെന്ന പോലെ സത്യൻ അന്തിക്കാട് ചേർത്തു നിർത്തി. സൂത്രധാരൻ എന്ന ലോഹിതദാസ് സിനിമയിലൂടെയാണ് മലയാളസിനിമയിലേക്ക് എത്തിയത്. ഒട്ടേറെ മികച്ച കഥാപാത്രങ്ങളെ മലയാളി പ്രേക്ഷകർക്ക് സമ്മാനിച്ച മീര മികച്ച നടിക്കുള്ള സംസ്ഥാന പുരസ്കാരവും ദേശീയ പുരസ്കാരവും സ്വന്തമാക്കിയിട്ടുണ്ട്.
‘വിജയദശമി ദിനത്തിൽ മീര ജാസ്മിൻ വീണ്ടും ക്യാമറക്കു മുന്നിലെത്തി. പറഞ്ഞറിയിക്കാനാവാത്ത ആഹ്ലാദമാണ് സെറ്റിലാകെ. എത്രയെത്ര ഓർമ്മകളാണ്. രസതന്ത്രത്തിൽ ആൺകുട്ടിയായി വന്ന ‘കൺമണി’. അമ്മയെ സ്നേഹം കൊണ്ട് കീഴ്പ്പെടുത്തിയ ‘അച്ചു’. ഒരു കിലോ അരിക്കെന്താണ് വിലയെന്ന് ചോദിച്ച് വിനോദയാത്രയിലെ ദിലീപിനെ ഉത്തരം മുട്ടിച്ച മിടുക്കി. മീര ഇവിടെ ജൂലിയറ്റാണ്. കൂടെ ജയറാമും, ദേവികയും, ഇന്നസെന്റും, സിദ്ദിഖും, കെ പി എ സി ലളിതയും, ശ്രീനിവാസനുമൊക്കെയുണ്ട്. കേരളത്തിലെ തിയറ്ററുകളിലൂടെ തന്നെ ഞങ്ങളിവരെ പ്രേക്ഷകരുടെ മുന്നിലേക്കെത്തിക്കാനുള്ള ഒരുക്കത്തിലാണ്’ – സത്യൻ അന്തിക്കാട് ഫേസ്ബുക്കിൽ പങ്കുവെച്ച കുറിപ്പിൽ ഇങ്ങനെ എഴുതി.
വിവാഹത്തിന് ശേഷം ഒരു ഇടവേളയെടുത്ത മീര ജാസ്മിൻ കഴിഞ്ഞയിടെ യു എ ഇ ഗോൾഡൻ വിസ നേടി വാർത്തകളിൽ നിറഞ്ഞിരുന്നു. തൊട്ടു പിന്നാലെ പൃഥ്വിരാജ് നായകനായ ഭ്രമം സിനിമയുടെ ഭ്രമം സിനിമയുടെ റിലീസിങ്ങിന് മീര ജാസ്മിൻ എത്തിയിരുന്നു. ആ ചിത്രങ്ങൾ ഇപ്പോൾ സോഷ്യൽ മീഡിയയിൽ വൈറലാകുകയും ചെയ്തു. ഉണ്ണി മുകുന്ദനൊപ്പവും മറ്റ് ഭ്രമം അണിയറപ്രവർത്തകർക്കൊപ്പവും ഫോട്ടോയ്ക്ക് ഷൂട്ട് ചെയ്താണ് താരം മടങ്ങിയത്. ദുബായിൽ കഴിഞ്ഞദിവസം ആയിരുന്നു ഭ്രമത്തിന്റെ റിലീസ് നടന്നത്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…