ചീരുവിന്റെ ഫോട്ടോക്ക് മുന്നിൽ പുഞ്ചിരിയോടെ കുടുംബാംഗങ്ങൾ; ചീരു കൊതിക്കുന്നതും ഇത് തന്നെയെന്ന് മേഘ്‌ന

കന്നഡ നടൻ ചിരഞ്ജീവി സർജയുടെ മരണം ഏൽപ്പിച്ച ആഘാതത്തിൽ നിന്ന് സിനിമാലോകവും മേഘ്നരാജും മുക്തമായിട്ടില്ല. പെട്ടെന്നാണ് അദ്ദേഹം ഈ ലോകത്തോട് വിടപറഞ്ഞു യാത്രയായത്. ഭർത്താവിന്റെ മരണത്തിനു മുൻപിൽ പൊട്ടിക്കരഞ്ഞ് നിൽക്കുന്ന മേഘ്നരാജ് എല്ലാവരുടെയും മനസ്സുകളിൽ നൊമ്പരപ്പെടുത്തുന്ന ഒരു കാഴ്ചയായിരുന്നു. മലയാളികള്‍ക്ക് ചിരഞ്ജീവി സര്‍ജയെ അടുത്ത് പരിചയമില്ലെങ്കിലും അദ്ദേഹത്തിന്റെ ഭാര്യ മേഘ്‌ന രാജിനെയും അമ്മാവന്‍ അര്‍ജുന്‍ സര്‍ജെയെയും നല്ലതു പോലെ അറിയാം. ഒരുപിടി നല്ല ചിത്രങ്ങളിലൂടെ മേഘ്‌ന ആരാധകരുട ഹൃദയം കീഴടക്കിയിട്ടുണ്ട്. ഇരുവരുടേയും വിവാഹം കഴിഞ്ഞിട്ട് രണ്ട് വര്‍ഷമായി. മേഘ്‌ന ഗര്‍ഭിണിയായിരിക്കുമ്പോഴാണ് ചിരുവിന്റെ മരണം നടന്നത് എന്നതും അത്യന്തം സങ്കടമുണ്ടാക്കുന്ന വാര്‍ത്തയായിരുന്നു.

മേഘ്‌ന രാജ് പങ്ക് വെച്ച ഒരു ഫോട്ടോയാണ് ഇപ്പോൾ സോഷ്യൽ മീഡിയയിലൂടെ പ്രേക്ഷകരുടെ മനം കവർന്നിരിക്കുന്നത്. ചീരുവിന്റെ ഫോട്ടോക്ക് മുൻപിൽ പുഞ്ചിരിയോടെ നിൽക്കുന്ന കുടുംബാംഗങ്ങളുടെ ചിത്രങ്ങളാണ് താരം പങ്ക് വെച്ചിട്ടുള്ളത്. കൂടെ ഒരു കുറിപ്പും.

എന്റെ പ്രിയപ്പെട്ട ചീരു.. ഇന്നും എന്നും എപ്പോഴും ചീരു ഒരു ആഘോഷമാണ്. ഇങ്ങനെയല്ലാതെ മറ്റൊരു രീതിയിലും ചീരുവിന് ഇത് ഇഷ്ടപ്പെടില്ല. ഞാൻ പുഞ്ചിരിക്കുന്നതിന് കാരണം ചീരുവാണ്. എനിക്ക് അങ്ങ് തന്നത് എന്റെ ഈ കുടുംബമെന്ന ഏറ്റവും വലിയ സമ്മാനമാണ്. ഞങ്ങൾ എന്നും ഇതുപോലെ ഒന്നായിരിക്കുമെന്ന് ഉറപ്പ് നൽകുന്നു. കൂടാതെ ഓരോ ദിവസവും ചീരു ആഗ്രഹിച്ചത് പോലെ തന്നെ ചിരിച്ചും കളിച്ചും സ്നേഹിച്ചും എല്ലാറ്റിനും ഉപരി ഐക്യത്തോടും കൂടി ഞങ്ങൾ ജീവിക്കും.