280 കിലോ ഭാരമുള്ള കടുവയുമായി ഞാൻ അഭിനയിച്ചിട്ടുണ്ട്;മനസ്സ് തുറന്ന് മോഹൻലാൽ

പൃഥ്വിരാജ് ആദ്യമായി സംവിധാനം ചെയ്ത ലൂസിഫർ വലിയ വിജയത്തിന്റെ നെറുകയിലാണ്‌ ഇപ്പോൾ. ചിത്രം 200 കോടി കളക്ഷൻ നേടി ഇപ്പോഴും തിയേറ്ററുകളിൽ പ്രദർശനം തുടരുകയാണ്.ചിത്രം ആമസോൺ പ്രൈമിൽ റിലീസ് ചെയ്തപ്പോളും വലിയ രീതിയിലുള്ള പ്രേക്ഷക പങ്കാളിത്തം ലഭിക്കുകയുണ്ടായി.ചിത്രത്തിന്റെ രണ്ടാം ഭാഗമായ എമ്പുരാൻ കഴിഞ്ഞ മാസം പ്രഖ്യാപിക്കുകയുണ്ടായി.ഇതിനിടെ റേഡിയോ മാമ്പഴം സംഘടിപ്പിച്ച ‘ലൂസിഫർ ചലഞ്ച്’ വിജയികൾക്കുള്ള സമ്മാനങ്ങൾ മോഹൻലാൽ സമ്മാനിച്ചു. ആരാധകരുടെ ചില ചോദ്യങ്ങൾക്കും ചലഞ്ച് വിജയികൾക്കും ഉത്തരം നൽകാൻ മോഹൻലാൽ സമയം കണ്ടെത്തി.

മോഹൻലാൽ പുലിമുരുകൻ എന്ന സിനിമയിൽ ഗംഭീര പ്രകടനം നടത്തിയത് നമ്മൾക്കെല്ലാവർക്കും അറിയാം.യഥാർത്ഥ പുലികളുമായി അഭിനയിച്ചിട്ടുണ്ടോ എന്നായിരുന്നു ഒരാളുടെ ചോദ്യം. അയാൾക്കുള്ള മറുപടിയും ഉടൻ തന്നെ മോഹൻലാൽ പറഞ്ഞു .പുലിമുരുകൻ ഷൂട്ടിങ്ങിനായി തായ്‌ലാൻഡിലും വിയറ്റ്നാമിലും പോയപ്പോൾ നിരവധി കടുവകളെ കാണാൻ സാധിച്ചിട്ടുണ്ട് .250 കിലോ ഭാരമുള്ള കടുവയുമായി വരെ അഭിനയിക്കാൻ തനിക്ക് ഭാഗ്യം ലഭിച്ചു, മോഹൻലാൽ പറഞ്ഞു. ഓണം റിലീസായി എത്തുന്ന ഇട്ടിമാണി മെയ്ഡ് ഇൻ ചൈന ആണ് മോഹൻലാലിൻറെ അടുത്ത റിലീസ്. സിദ്ദിഖ് സംവിധാനം ചെയ്യുന്ന ബിഗ് ബ്രദറിൽ ആണ് മോഹൻലാൽ ഇപ്പോൾ അഭിനയിച്ചു വരുന്നത്.