ആശിർവാദ് സിനിമാസിന്റെ ഇരുപത്തിരണ്ടാം വാർഷികം ആഘോഷമാക്കി മോഹൻലാലും ആന്റണി പെരുമ്പാവൂരും. മോഹൻലാൽ ആദ്യമായി സംവിധാനം ചെയ്യുന്ന ചിത്രമായ ബറോസിന്റെ സെറ്റിൽ വെച്ചാണ് ആശിർവാദ് സിനിമാസിന്റെ ഇരുപത്തിരണ്ടാം വാർഷികം ആഘോഷിച്ചത്. ആഘോഷത്തിൽ പങ്കെടുക്കാൻ മോഹൻലാൽ എത്തിയതാകട്ടെ ബറോസിലെ പുതിയ ഗെറ്റപ്പിലും. ആശിർവാദ് സിനിമാസിന്റെ ഇരുപത്തിരണ്ടാം വാർഷികത്തിന് ഒപ്പം കഴിഞ്ഞദിവസം ഡിസ്നി പ്ലസ് ഹോട്ട് സ്റ്റാറിൽ സ്ട്രീമിംഗ് ആരംഭിച്ച ബ്രോ ഡാഡിയുടെ വിജയവും ആഘോഷിച്ചു.
നരസിംഹം ആണ് ആശിർവാദ് സിനിമാസിന്റെ ബാനറിൽ നിർമിച്ച ആദ്യചിത്രം. ഷാജി കൈലാസ് സംവിധാനം ചെയ്ത ചിത്രത്തിന്റെ രചന രഞ്ജിത്ത് ആയിരുന്നു. 2000 ജനുവരി 26ന് ആയിരുന്നു നരസിംഹം റിലീസ് ചെയ്തത്. നരസിംഹം എന്ന ചിത്രത്തിനു ശേഷം രാവണപ്രഭു, കിളിച്ചുണ്ടൻ മാമ്പഴം, നരൻ, നാട്ടുരാജാവ്, രസതന്ത്രം, ബാബാ കല്യാണി, ഇന്നത്തെ ചിന്താവിഷയം, ഇവിടം സ്വർഗമാണ്, അലി ഭായ്, പരദേശി, സാഗർ ഏലിയാസ് ജാക്കി, ചൈന ടൌൺ, സ്നേഹ വീട്, കാസനോവ, സ്പിരിറ്റ്, ലേഡീസ് ആൻഡ് ജന്റിൽമാൻ, ദൃശ്യം, എന്നും ഇപ്പോഴും, ലോഹം, ഒപ്പം, വെളിപാടിന്റെ പുസ്തകം, ആദി, ഒടിയൻ, ലൂസിഫർ, ഇട്ടിമാണി, ദൃശ്യം 2, മരക്കാർ അറബിക്കടലിന്റെ സിംഹം, ബ്രോ ഡാഡി എന്നിവയാണ് ആശീർവാദ് നിർമ്മിച്ച് പുറത്തു വന്ന ചിത്രങ്ങൾ. ഇതിൽ മിക്ക ചിത്രങ്ങളും സൂപ്പർ ഹിറ്റുകൾ ആയിരുന്നു.
മലയാളത്തിൽ ആദ്യത്തെ അമ്പതു കോടി കളക്ഷൻ നേടിയ ചിത്രമായ ദൃശ്യവും ഇരുനൂറു കോടിയുടെ ബിസിനസ് നടത്തിയ ലൂസിഫറും ആശിർവാദ് തന്നെ ആയിരുന്നു നിർമ്മിച്ചത്. വൻ ബജറ്റിൽ മരക്കാർ എന്ന ചിത്രവും നിർമിച്ചു. ഇപ്പോൾ മോഹൻലാൽ ആദ്യമായി സംവിധാനം ചെയ്യുന്ന ബറോസ് എന്ന ബിഗ് ബജറ്റ് ത്രീഡി ചിത്രത്തിന്റെ നിർമ്മാണവും ആശീർവാദ് തന്നെയാണ് ചെയ്യുന്നത്. ജീത്തു ജോസഫ് ഒരുക്കിയ ട്വൽത് മാൻ, വൈശാഖ് സംവിധാനം ചെയ്യുന്ന മോൺസ്റ്റർ, ഷാജി കൈലാസ് ചിത്രം എലോൺ, പൃഥ്വിരാജ് ഒരുക്കാൻ പോകുന്ന എംപുരാൻ എന്നിവയാണ് ആശീർവാദ് സിനിമാസിന്റെ ബാനറിൽ എത്തുന്ന അടുത്ത ചിത്രങ്ങൾ.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…