പ്രേംനസീർ – ഷീല ഗാനത്തിന് ചുവട് വെച്ച് മോഹൻലാലും മേനകയും; വീഡിയോ

എൺപതുകളിലെ ദക്ഷിണേന്ത്യൻ സൂപ്പർ താരങ്ങളുടെ ഈ തവണത്തെ ഒത്തുചേരലും വാർത്തകളിൽ ഇടം പിടിച്ചിരിക്കുകയാണ്. ഓർമകളിലേക്ക് കൊണ്ട് പോകുന്ന ചിത്രങ്ങളുമെല്ലാമായി നിറഞ്ഞു നിൽക്കുന്ന ആ ലോകത്തിലേക്ക് ഒരു പഴയ സിനിമ ഗാനത്തിന് മോഹൻലാലും മേനകയും ചുവട് വെച്ചതാണ് ഇപ്പോൾ ശ്രദ്ധേയമായിരിക്കുന്നത്.

1968 ഇൽ റിലീസ് ചെയ്ത മലയാള ചിത്രമാണ് പ്രേം നസീർ- ഷീല ജോഡി അഭിനയിച്ച ഭാര്യമാർ സൂക്ഷിക്കുക. ഈ ചിത്രത്തിലെ ഒരു സൂപ്പർ ഹിറ്റ് ഗാനം ആയിരുന്നു ചന്ദ്രികയിലലിയുന്നു ചന്ദ്രകാന്തം എന്ന ശ്രീകുമാരൻ തമ്പി രചിച്ച ഗാനം. വി ദക്ഷിണാമൂർത്തി സ്വാമി സംഗീതം പകർന്ന ഈ ഗാനം ആലപിച്ചത് കെ ജെ യേശുദാസും പി ലീലയും ചേർന്നാണ്. ഇപ്പോഴിതാ ആ എവർ ഗ്രീൻ ഗാനത്തിന് ചുവടു വെക്കുന്ന കംപ്ലീറ്റ് ആക്ടർ മോഹൻലാലിന്റേയും നടി മേനകയുടേയും വീഡിയോ സോഷ്യൽ മീഡിയയുടെ ശ്രദ്ധ നേടുകയാണ്. കഴിഞ്ഞ ദിവസം നടന്ന എൺപതുകളിൽ സിനിമയിൽ വന്ന താരങ്ങളുടെ റീയൂണിയനു മുൻപ്, ആ പരിപാടിയിൽ പെർഫോം ചെയ്യാനായി മോഹൻലാൽ- മേനക ജോഡി ഈ ഗാനത്തിന്റെ പശ്ചാത്തലത്തിൽ നൃത്ത ചുവടുകൾ വെക്കുന്ന വീഡിയോ പോസ്റ്റ് ചെയ്തത് നടി സുഹാസിനി മണി രത്‌നം ആണ്. നടി ലിസ്സി ആണ് ഈ ഗാനം പെർഫോം ചെയ്യാൻ നിർദേശിച്ചത് എന്നും ബ്രിന്ദ മാസ്റ്റർ ആണ് ഇതിനു വേണ്ടി നൃത്ത ചുവടുകൾ ഒരുക്കിയത് എന്നും സുഹാസിനി പറയുന്നു. ഈ താര കൂട്ടായ്മ സംഘടിപ്പിക്കാൻ പറ്റിയതിൽ തനിന്നു ഒരുപാട് അഭിമാനിക്കുന്നു എന്നും സുഹാസിനി പറഞ്ഞു.