മോഹന്‍ലാല്‍ വീണ്ടും ബോളിവുഡ് അഭിനയലോകത്തേക്ക്. ശ്രീകുമാര്‍ മേനോന്‍ സംവിധാനം ചെയ്യുന്ന മിഷന്‍ കൊങ്കണ്‍ എന്ന ചിത്രത്തിലൂടെയാണ് മോഹന്‍ലാലിന്റെ തിരിച്ചു വരവ്. ടി ഡി രാമകൃഷ്ണന്‍ തിരക്കഥ രചിക്കുന്ന ഈ ചിത്രത്തില്‍ ഖലാസി ആയി ഒരു അതിഥി വേഷത്തിലാവും മോഹന്‍ലാല്‍ എത്തുക എന്നാണ് സൂചന. പ്രശസ്ത ബോളിവുഡ് താരം രണ്‍ദീപ് ഹൂഡയും ഈ ചിത്രത്തില്‍ പ്രധാന വേഷം ചെയ്യുമെന്നും റിപ്പോര്‍ട്ടില്‍ ഉണ്ട്. ഫോക്‌സ് സ്റ്റാര്‍ സ്റ്റുഡിയോസ് നിര്‍മ്മാണം ഏറ്റെടുക്കാന്‍ സാധ്യതയുള്ള ഈ ചിത്രം ഹിന്ദിക്ക് പുറമെ മലയാളം ഉള്‍പ്പെടെയുള്ള മറ്റു തെന്നിന്ത്യന്‍ ഭാഷകളിലും ഇറങ്ങും. ഹോളിവുഡില്‍ നിന്നുള്ള സാങ്കേതിക പ്രവര്‍ത്തകര്‍ വരെ അണിനിരക്കുന്ന ഒരു വലിയ ചിത്രമാകും ഇതെന്നാണ് സൂചന.
ഇതിനു മുന്‍പ് മൂന്നു ബോളിവുഡ് ചിത്രങ്ങളില്‍ ആണ് മോഹന്‍ലാല്‍ അഭിനയിച്ചിട്ടുള്ളത്. 2002-ല്‍ റാം ഗോപാല്‍ വര്‍മ്മ ഒരുക്കിയ കമ്പനി എന്ന ചിത്രത്തിലൂടെ ബോളിവുഡില്‍ അരങ്ങേറ്റം കുറിച്ച മോഹന്‍ലാല്‍ ആ ചിത്രത്തിലെ ഗംഭീര പ്രകടനത്തിലൂടെ, ബോളിവുഡിലെ ഏറ്റവും വലിയ സിനിമാ പുരസ്‌കാരമായ ഐഫ അവാര്‍ഡ് നേടുന്ന ആദ്യ മലയാള താരവുമായി മാറി. മികച്ച സഹനടനുള്ള ആ വര്‍ഷത്തെ അവാര്‍ഡ് ആണ് മോഹന്‍ലാല്‍ ഏറ്റു വാങ്ങിയത്.
അതിനു ശേഷം റാം ഗോപാല്‍ വര്‍മ്മ തന്നെ ഒരുക്കിയ ആഗ് എന്ന ചിത്രത്തില്‍ അമിതാബ് ബച്ചനൊപ്പവും പ്രിയദര്‍ശന്‍ ഒരുക്കിയ തേസ് എന്ന ചിത്രത്തില്‍ അജയ് ദേവ്ഗണിന് ഒപ്പവും മോഹന്‍ലാല്‍ അഭിനയിച്ചു. പലപ്പോഴായി ബോളിവുഡ് ചിത്രങ്ങളില്‍ നിന്ന് ഓഫര്‍ വന്നെങ്കിലും മലയാളത്തിലെ തിരക്ക് മൂലം അതെല്ലാം അദ്ദേഹം ഉപേക്ഷിക്കുകയായിരുന്നു. കുമാര്‍ സാഹ്നി, വിശാല്‍ ഭരദ്വാജ്, ഷൂജിത് സര്‍ക്കാര്‍ തുടങ്ങി ഒട്ടേറെ ബോളിവുഡ് സംവിധായകര്‍ മോഹന്‍ലാലിനെ സമീപിച്ചതുമാണ്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…