സോഷ്യൽ മീഡിയ കീഴടക്കി ലാലേട്ടനും ദുൽഖറും;സോഷ്യൽ മീഡിയയിൽ ഫോളോവേഴ്സിന്റെ എണ്ണത്തിൽ മോഹൻലാലും ദുൽക്കർ സൽമാനും ഇഞ്ചോടിഞ്ച് പോരാട്ടത്തിൽ

മലയാളത്തിലെ കംപ്ലീറ്റ് ആക്ടർ മോഹൻലാൽ ട്വിറ്റർ അടക്കി വാഴുമ്പോൾ ഇൻസ്റ്റഗ്രാമിൽ മുൻതൂക്കം ദുൽഖർ സൽമാനാണ്. മലയാളം ഇൻഡസ്ട്രിയിലെ പ്രധാനികളായ ഇവരാണ് ഇന്ന് സോഷ്യൽ മീഡിയ അടക്കി ഭരിക്കുന്നത്. മോഹൻലാൽ ട്വിറ്റെറിൽ 6 മില്യൺ ഫോളോവേഴ്‌സ് എന്ന നേട്ടം കൈവരിച്ചത് കുറച്ചു ദിവസങ്ങൾക്ക് മുമ്പാണ്. തെന്നിന്ത്യയിൽ തന്നെ നടന്മാരുടെ പട്ടികയിൽ ട്വിറ്റെർ ഫോളൊവെഴ്സിന്റെ കാര്യത്തിൽ മഹേഷ് ബാബു, ധനുഷ് എന്നിവരുടെ പിന്നിൽ മോഹൻലാലും ഉണ്ട്. ദുൽഖറിന് ട്വിറ്ററിൽ ഉള്ളത് 1.8 മില്യൺ ഫോളോവേഴ്സ് ആണ്. എന്നാൽ ഇൻസ്റ്റഗ്രാമിൽ ദുൽഖർസൽമാൻ രണ്ടു ദിവസങ്ങൾ മുൻപ് 5 മില്യൺ ഫോളോവേഴ്സിനെ പിന്നിട്ടു. ഇതിന്റെ സന്തോഷം പങ്കുവെക്കുവാൻ ദുൽഖർ സൽമാൻ ഇൻസ്റ്റഗ്രാം ലൈവിൽ വന്ന് ആരാധകരുമായി സംവദിച്ചിരുന്നു.

മോഹൻലാൽ ഇൻസ്റ്റഗ്രാം എടുത്തിട്ട് കുറെ നാളായില്ലെങ്കിലും ദുൽഖറിനു തൊട്ടുപിന്നാലെ 2.3 മില്യൻ ഫോളോവേഴ്സുമായി അദ്ദേഹവും ഉണ്ട്. ഫേസ്ബുക്കിൽ 5.1 മില്യൺ ലൈക്ക്‌സ് നേടി ദുൽഖർ സൽമാൻ മുന്നിൽ നിൽക്കുമ്പോൾ ഏകദേശം 5 മില്യൺ ലൈക്ക്‌സ് നേടി മോഹൻലാൽ തൊട്ടുപിന്നാലെ ഉണ്ട്. പൃഥ്വിരാജ് സുകുമാരനും ഇൻസ്റ്റഗ്രാമിൽ 2.3 മില്യൺ ഫോളോവേഴ്സ് ഉണ്ട്. മോഹൻലാലും ദുൽഖർ സൽമാനും ആണ് സോഷ്യൽ മീഡിയ അടക്കി ഭരിക്കുന്നത് എന്ന് ഈ വാർത്തകളിൽ നിന്നും വ്യക്തമാണ്.